Almaty polısıa departamentiniń qyzmetkerleri kepteliste ıtin kólikke baılap «júrgizgen» kólik júrgizýshisin taýyp, aıyppul saldy.
Atalǵan fakt boıynsha 1988 jyly týǵan azamat 10 AEK (30 630 teńge) kóleminde aıyppul túrindegi ákimshilik jaýapkershilikke tartyldy, dep habarlaıdy Almaty-akshamy.kz.
Atap aıtqanda, júrgizýshige Qazaqstan Respýblıkasynyń janýarlardy jaýapkershilikpen ustaý, onyń ishinde úı janýarlaryn ustaý jáne serýendetý salasyndaǵy zańnamasyn buzǵany úshin aıyppul salyndy.
Jeltoqsannyń 8-i kúni áleýmettik jelide qala turǵyny kólik kóp júretin kóshede (Rysqulov dańǵyly) úlken ıtti kólikke baılap júrgeni túsirilgen vıdeo taraǵan bolatyn.
Vıdeoda ıt ıesiniń júrip kele jatqan kóliginiń qasynda júrip, basqa kólikterge qolaısyzdyq týdyrǵanyn kórýge bolady. Bul rette joldaǵy kepteliske baılanysty kólikterdiń qozǵalysy qıyndady.