2022 jyly shildede Ulttyq qaýipsizdik komıteti kásipkerlik sýbektilerine zańsyz jolmen 135 mlrd teńge somasyndaǵy qarajatty qolma-qol aqshaǵa aınaldyrý jáne salyq tóleýden jaltarýǵa uzaq ýaqyt boıy kómektesip kelgen adamdarǵa qatysty aýqymdy qylmystyq isti tergeýdi aıaqtady, dep habarlaıdy Almaty-akshamy.kz.
«Zańǵa qaıshy is-áreketke 300 adam, 500-ge jýyq jalǵan kompanıalar men 5 myń kontragentter tartylǵan bolyp shyqty. 5 jeltoqsanda Qaraǵandy qalasy Qazybek bı aýdandyq soty osy iske qatysy bar 20 fıgýrantty QR QK 216-baby 3-tarmaǵy jáne 28-245-baby 3-tarmaǵy boıynsha kináli dep tanyp, ártúrli jaza merzimderine sottady», - delingen habarlamada.
Osy qylmysty tergeýdiń tájirıbesi Qazaqstan Respýblıkasyndaǵy kóleńkeli ekonomıkaǵa qarsy is-qımyl boıynsha jumystyń algorıtmin jasap shyǵarýǵa múmkindik berdi. Jalpy alǵanda, Ulttyq qaýipsizdik komıteti qoldanǵan sharalar oń áser etip, elimizdegi qarjyny zańsyz qolma-qol aqshaǵa aınaldyrý deńgeıin tómendetýge jaǵdaı jasady. Bul baǵyttaǵy jumys jalǵasýda.