Ahmet Baıtursynulynyń 12 tomdyq shyǵarmalar jınaǵynyń tusaýkeseri ótedi
Jeltoqsannyń 9 kúni Ǵylym Ordasynda «Memlekettik tildiń zerttelýi, oqytylýy jáne qoldanylýy» atty respýblıkalyq ǵylymı-praktıkalyq konferensıa ótedi, , dep habarlaıdy Almaty-akshamy.kz.
Memlekettik tildiń qoǵamdyq turaqtylyqty saqtaýdaǵy mańyzy jáne qazaq tilin ultaralyq qarym-qatynas tiline aınaldyrýdaǵy atqaratyn róli zor.
Osyǵan oraı «Memlekettik tildiń zerttelýi, oqytylýy jáne qoldanylýy» atty respýblıkalyq ǵylymı-praktıkalyq konferensıa ótedi. Konferensıanyń moderatory Qazaqstan Respýblıkasynyń mádenıet jáne qoǵam qaıratkeri, til janashyry Orazkúl Asanǵazy.
Konferensıa barysynda til saıasaty jáne qazaq tiliniń qoǵamdaǵy órisi, qazaq tilin oqytýdyń júıesi, latyn qarpine kóshýdiń qıyndyqtary, ony sheshý joldary, mektepke deıingi tárbıe jáne bastaýysh bilim syndy taqyryptar talqylanady.
Sonymen qatar, Ult ustazy – Ahmet Baıtursynulynyń 12 tomdyq shyǵarmalar jınaǵynyń tusaýkeseri ótedi.
Konferensıaǵa Qazaqstan Ǵalymdar odaǵynyń prezıdenti, ekonomıka ǵylymdarynyń doktory, akademık Orazaly Sábden, jazýshy Beksultan Nurjekeev, Baıynqol Qalıev, Dańdaı Ysqaq, Ómirhan Ábdimanuly bastaǵan fılologıa ǵylymdarynyń doktorlary, profesorlar jáne ózge de ǵalymdar, qazaq til tanýshy ǵalymdar, ǵylymı-zertteý ınstıtýttarynyń ǵylymı qyzmetkerleri, zıaly qaýym jáne BAQ ókilderi qatysady.