Almaty qalasy Sport basqarmasynyń mánerlep syrǵanaýshylardyń daıyndyǵyna baılanysty jaǵdaı boıynsha túsiniktemesi
Sport nysandaryn komýnaldyq menshikke qaıtarý
Buǵan deıin sporttyq qaýymdastyqta jeke menshik basqarýyndaǵy iri muz aıdynyna shekteýli qoljetimdiligine qatysty másele kóterilgen bolatyn. Atap aıtqanda, BAQ-ta mánerlep syrǵanaýshy Mıhaıl Shaıdorov Almatyda mánerlep syrǵanaýdan elimizdiń úzdik sportshylaryn daıarlaý úshin tıisti jaǵdaıdyń joqtyǵy týraly aıtylǵan materıaldar shyqty.
2024 jyldan bastap Almaty ákimi Erbolat Dosaevtyń tapsyrmasymen iri sporttyq nysandardy qalanyń balansyna qaıtarý jumystary bastaldy. 2024 jyly «Almaty Arena» jáne «Halyk Arena» kópfýnksıonaldy keshenderi komýnaldyq menshikke ótti.
Bul muzdy bólý tetigin ashyq túrde uıymdastyrýǵa jáne barlyq sanattaǵy sportshylar úshin arenalarǵa teń qoljetimdilikti qamtamasyz etýge múmkindik berdi. Nysandar berilgennen keıin olardyń paıdalanylýyna keshendi aýdıt júrgizildi. Qazirgi ýaqytta muz ýaqytyn bólý júıesi kásibı sportshylarǵa, onyń ishinde Mıhaıl Shaıdorovqa, sport mektepteriniń tárbıelenýshilerine, seksıalar men ulttyq qurama múshelerine basymdyq beretindeı etip retteldi. Mundaı tásil eldiń bolashaq chempıondar býynyn tárbıeleýge septigin tıgizedi.
Almaty qalasy ákiminiń orynbasary Beıbit Shahanovpen kezdesý barysynda Mıhaıl Shaıdorov qabyldanyp jatqan sharalarǵa alǵys bildirip, jattyǵý prosesiniń uıymdastyrylýy men sporttyq ınfraqurylymǵa qoljetimdilik boıynsha júıeli jaqsartýlardy atap ótti. Sondaı-aq, ulttyq quramanyń daıyndyq jaǵdaıyn qamtamasyz etý máselesi talqylanǵan kezdesýde, Mıhaıl Shaıdorovtyń halyqaralyq jıyndar men jarystar arasyndaǵy kezeńderde Almatyda júrgen ýaqytynda «Halyk Arena» bazasynda jeke jattyǵý ótkizý múmkindigimen qamtamasyz etý týraly sheshim qabyldandy. Bul onyń týǵan qalasynda jeke daıyndyǵy men sporttyq formasyn saqtaý úshin qolaıly jaǵdaı jasaıdy.
Medısınalyq qamtamasyz etý
Ulttyq quramanyń medısınalyq qamtamasyz etilýi – Qazaqstan Respýblıkasy Týrızm jáne sport mınıstrliginiń quzyretine jatady.
Damý josparlary
Almaty ákimdigi qalanyń sport ınfraqurylymyn damytý men jańǵyrtýǵa keshendi tásilin iske asyrýda. Bıyl Ortalyq stadıondy halyqaralyq standartqa sáıkestendire otyryp, onyń syıymdylyǵyn 35 myń orynǵa deıin arttyrý arqyly qaıta jańartý jumystary bastalady. Sondaı-aq, «Medeý» bıik taýly muz aıdynynyń ınjenerlik ınfraqurylymyn jańartý, muz sapasyn arttyrý jáne syrǵanaý maýsymyn uzartý baǵytynda jańǵyrtý júrgiziledi. Sonymen qatar, jasandy ıntellektpen jabdyqtalǵan SmartICE júıesin engizý, jańa qoǵamdyq keńistikter qurý arqyly Medeýdi jyl boıy jumys isteıtin álemdik deńgeıdegi sporttyq-týrıstik ortalyqqa aınaldyrý kózdelip otyr.
Buǵan qosa, sońǵy úsh jylda qalada alty jańa dene shynyqtyrý-saýyqtyrý kesheni salyndy, al bıyl taǵy tórt keshenniń qurylysy bastalady. Bul sharalardyń barlyǵy óskeleń jas sportshylardyń daıyndyǵy úshin zamanaýı ári qoljetimdi jaǵdaı jasaýǵa jáne Almatyda buqaralyq jáne kásibı sportty júıeli damytýǵa baǵyttalǵan.