Almaty qalasynyń Áýezov aýdanynda sharýashylyq nysanynan bastalǵan órt úsh qabatty ǵımarattyń shatyryn sharpydy. Qazirgi sátte órt tolyq sóndirildi, dep habarlaıdy Aqshamnews.kz QR TJM baspasóz qyzmetine silteme jasap.
«Áýezov aýdanynda sharýashylyq qurylystan shyqqan órt úsh qabatty ǵımarattyń shatyryna taraǵan. Qala qutqarýshylary tilsiz jaýdy der kezinde aýyzdyqtady», – delingen habarlamada.
Mınıstrlik málimetinshe, órtti sóndirýge 32 qyzmetker jáne Almaty TJD-nyń 9 arnaıy tehnıkasy jumyldyryldy. Sý úzdiksiz berilip otyrǵan. Oqıǵa kezinde shatyrdyń bir bóligi opyrylyp túsken.
Qýanyshqa oraı, zardap shekkender joq. Saǵat 11:22-de órt 200 sharshy metr aýmaqta tolyqtaı sóndirilgeni habarlandy.