Aǵylshyn tilin meńgerý reıtıńinde 2023 jyly Qazaqstan 113 eldiń arasynda 104-orynǵa ıe boldy. QR kórsetkishi 415 bal. Osyndaı bal alǵan elderde aǵylshyn tilin meńgerý óte tómen dep sanalady. TMD elderiniń ishinde Tájikstanda ǵana jaǵdaı bizdikinen nashar.
Aǵylshyn tilin eń jaqsy biletin elder Nıderland, Sıngapýr jáne Aýstrıa, al eń nashar Kongo Demokratıalyq Respýblıkasy.
Reıtıńke qatysqan TMD elderiniń arasynan Belarýs, Moldova, Reseı, Ýkraına* jáne Armenıa aǵylshyn tilin ortasha deńgeıde meńgerse, Ázirbaıjan men Qyrǵyzstan tómen deńgeıde, Ózbekstan men Tájikstan, sondaı-aq Qazaqstan Respýblıkasy, óte tómen dárejede.
Reıtıń málimetine sáıkes, Qazaqstannyń barlyq óńirleri arasynda aǵylshyn tilin eń jaqsy meńgergen óńir Pavlodar oblysy: oblysta 476 bal. Eń nashar kórsetkish Túrkistan oblysynda tirkeldi: nebári 335 bal. Elimizdiń iri qalalary arasynan Astana — 485, Aqtóbe — 450, Almaty — 438, Aqtaý — 413, Taraz — 352, Shymkent — 347, Qaraǵandy — 343, Qyzylorda — 337 bal aldy.
* Ýkraına birqatar sebepterge baılanysty TMD-da daýly mártebege ıe.
QR SJRA Ulttyq statısıka búrosynyń (USB) málimetinshe, bıyl qarashanyń sońynda Qazaqstanda shet tili kýrstary bir jylda 11,8% qymbattady.
Óńirler boıynsha eń kóp Jetisý óńirinde qymbattady: birden 60%. Odan keıin Almaty qalasy (25,9%), Qaraǵandy (20,1%), Qostanaı (17,4%) jáne Atyraý (16,1%) oblystary.
Shet tili kýrstary eń az qymbattaǵan óńir Qyzylorda oblysy: 1,6%. Úsh óńirde — Astana, Shymkent jáne Almaty oblysynda baǵa ótken jyldyń qarasha aıyndaǵy deńgeıde qaldy.Bıyl úshinshi toqsanda QR-da til kýrstaryn qamtıtyn qosymsha bilim berý qyzmeti kólemi 10,3 mlrd teńgeni qurady, bul byltyrǵydan 5,2% kóp.
Óńirler boıynsha mundaı qyzmet eń kóp sany Almaty qalasynda kórsetilgen: 3,4 mlrd teńge, jyldyq ósim 22,6%. Odan keıingi orynda Astana (3,4 mlrd teńge, 20,2% azaıǵan) jáne Atyraý oblysy (1,4 mlrd teńge, 45,2% kóbeıgen). Qosymsha bilim berý qyzmeti eń az Jetisý oblysynda kórsetildi: 19,5 mln teńge — byltyrǵydan 10% az. Shyǵys Qazaqstan oblysynda bul salada qyzmet kórsetilmegen.
Saladaǵy jeke kompanıalardyń qyzmeti 6,1 mlrd teńgeni, memlekettik kásiporyndardyń qyzmeti 3,9 mlrd teńgeni, sheteldik kompanıalardyń qyzmeti 236,3 mln teńgeni qurady. Shaǵyn kásiporyndar 7,9 mlrd teńgeniń, orta kásipkerlik 2 mlrd teńgeniń, iri kásiporyndar 353,9 mln teńgeniń qyzmettin kórsetti.
