Bul týraly Óńirlik komýnıkasıalar qyzmetiniń brıfıńinde jobany uıymdastyrýshylar habarlady.
İs-shara jastardyń zıatkerlik damýy men áleýmettik belsendiligine yqpal etedi, dep habarlaıdy Almaty-akshamy.kz
«IQ Ala jastary» maqsaty jastar arasynda aqyl-oı belsendiligin yntalandyrý, ony biriktirýge járdemdesý jáne bilim men tájirıbe almasý úshin jaǵdaı jasaý bolyp tabylady.
«Bul oıyndy uıymdastyrý qatysýshylardy tartý boıynsha keń aqparattyq naýqandy, zıatkerlik oıyndar men trenıńterdi ázirleý men ótkizýdi, sondaı - aq qorytyndy taldamalyq aqparat pen usynymdar daıyndaýdy qamtıdy», - dedi Almaty qalasy Jastar isteri jónindegi basqarmasynyń jastardy áleýmettendirý bóliminiń jáne jastar bastamalaryn qoldaý bóliminiń basshysy Nursultan Bekkaıyrov.
«IQ Ala jastary» uıymdastyrý prosesinde ártúrli tarmaqtardy eskerý qajet, mysaly:
- maqsatty aýdıtorıanyń múddeleri men qajettilikterin eskere otyryp, oıyn is-sharalaryn ázirleý jáne ótkizý;
- oıyndardy tıimdi ótkizýge jáne qatysýshylardyń qyzyǵýshylyǵyn qamtamasyz etýge qabiletti bilikti sarapshylar men kóshbasshylardy tartý;
- qatysýshylardyń barynsha kóp sanyn tartý jáne oıynnyń keń tanymaldylyǵyn qamtamasyz etý úshin ártúrli baılanys arnalary boıynsha aqparattyq naýqan ótkizý;
- bolashaqta is-sharalardyń sapasy men tıimdiligin arttyrý úshin nátıjelerdi taldaý jáne qatysýshylarmen keri baılanys.
«Biz «IQ Ala jastary» - bul qyzyqty oıyn ǵana emes, sonymen qatar qala jastarynyń zıatkerlik damýy men áleýmettik belsendiligine yqpal etetin mańyzdy áleýmettik - mádenı oqıǵa ekenine senimdimiz», - dep atap ótti Nursultan Bekkaıyrov.
Brıfıńke qatysýshy «Jastar Rýhy» Jastar qanatynyń tóraǵasy Ákejan Keńesov «IQ Ala jastary» zıatkerlik oıyny qalanyń stýdentteri men jastaryn jaqyndastyrýdyń zıatkerlik damýdy, dostyq baılanystardy qalyptastyrýdy jáne qoǵamdyq ómirge belsendi qatysýdy yntalandyratyn mańyzdy quraly bolyp tabylatynyn atap ótti.
«Osy jobany uıymdastyrý barysynda biz onyń ózektiligi synı oılaýdy damytý, bilim almasý jáne qoǵamdyq jáne mádenı oqıǵalarǵa qatysý qajettiligimen baılanysty ekenin eskerdik. «IQ Ala jastary» sıaqty zıatkerlik oıyndar qala stýdentteri men jastaryn jaqyndastyrýdyń ózekti jáne tıimdi quraly bolyp tabylady. Aqparat kópshilikke qol jetimdi qazirgi álemde bul aqparatty taldaý, baǵalaý jáne paıdalaný qabiletin damytý mańyzdy. Zıatkerlik oıyndar synı oılaýdy qalyptastyrýǵa jáne qatysýshylardyń zıatkerlik qabiletterin damytýǵa yqpal etedi», - dep bólisti ol.
Ákejan Keńesov sondaı-aq mundaı is-sharalar jastarǵa zıatkerlik konkýrstarǵa qatysýǵa ǵana emes, qarym-qatynas jasaýǵa, tájirıbe jáne bilim almasýǵa múmkindik beretinin atap ótti. Bul uzaq merzimdi perspektıvada qoǵamnyń damýyna oń áser etetin dostyq jáne kásibı baılanystardy qalyptastyrýǵa yqpal etedi.
Zıatkerlik oıyndy ótkizý formaty kolejder men JOO stýdentteriniń zıatkerlik qabiletterin anyqtaý, NEET jastar sanaty men qalanyń belsendi jastary arasynda qalaishilik lıgalardy ótkizý arqyly jeńimpazdardy anyqtaý bolyp tabylady. Osylaısha, jastardyń 4 sanaty arasynda jeńimpazdardy anyqtaı otyryp, aýqymdy arnaıy joba ótkizý josparlanýda.
Brıfıńke sondaı-aq «Alash Jastar Odaǵy» qoǵamdyq qorynyń tóraǵasy Almas Baızaqov qatysyp, zıatkerlik oıyndar qalanyń barlyq joǵary oqý oryndary men kolejderinde 14 pen 35 jas aralyǵyndaǵy jastardyń qatysýymen ótetinin atap ótti.
«Biz zıatkerlik oıyndardyń ár týryn qalamyzdyń kórkem jáne ádemi jerlerinde ártúrli formatta ótkizetin bolamyz. Júlde qory 1 mıllıon teńgeni quraıdy, jáne ár kezeńde baǵaly syılyqtar oınatylady. Jeńimpazdardy tańdaý krıterııleri ár qatysýshynyń ár baǵyt boıynsha jeke jaýaptaryna jáne ár toptyń oıyn barysynda ózin kósetýine baılanysty bolady», - dedi ol.
Jalpy, bul joba qala jastarynyń belsendiligin onyń barlyq sanattaryn qamtı otyryp anyqtaýǵa múmkindik beredi.
Megapolıstiń jastary men stýdentteri «IQ Ala jastary»- ge belsendi qatysýǵa shaqyrylady.