41 adam polısıaǵa aryz túsirgen
Jup Almatyda tirkelgen mıkro qarjy uıymyna qatysty alaıaqtyq jasady dep kúdikke alyndy, dep habarlaıdy Almaty-akshamy.kz Almaty qalalyq Polısıa Departamenti Baspasóz qyzmetine silteme jasap.
Ustalǵan jup 2019 jyldan beri taýarlardy satyp alýǵa aqsha aýdarýdy syltaýratyp, ınternet-dúkenderi satýshylarynan JSN men bank kartasynyń derektemelerin alǵany anyqtaldy.
«Azamattardyń (satýshylardyń) tólqujat derekterin qoldana otyryp, olar MQU saıtynda onlaın rejımde shaǵyn nesıe alýǵa ótinim bergen. Aqshany alǵan soń, qaıtadan satýshylarǵa habarlasyp, olarǵa baıqaýsyzda aqsha aýdarǵanyn aıtady jáne jiberilgen qarjyny basqa arnaıy daıyndalǵan bank kartasyna qaıtarýdy suraıdy. Osylaısha olar 41 azamattyń tólqujat derekteri boıynsha jalpy somasy 4 mıllıon 025 myń teńgege shaǵyn nesıe rásimdegen», - deıdi Almaty qalalyq PD bastyǵynyń orynbasary, polısıa podpolkovnıgi Rústem Ábdráhmanov.
MQU polısıaǵa 41 adam tólemdi keshiktirgennen keıin aryz túsirgen. Barlyq «qaryz alýshylardy» tapqan polısıa, olardyń nesıe alýǵa qatysy joqtyǵyn anyqtady. Artynsha, 1995 jyly týǵan A.esimdi azamat pen 1994 jyly týǵan M.esimdi azamatsha anyqtalyp, ustaldy.
Kúdiktilerge qatysty qylmystyq isti tergeý aıaqtaldy. Onyń materıaldary úkim shyǵarý úshin sotqa jiberildi. Kúdiktiler qamaýda.