Dınozavrdyń súıegin amerıkalyq jeke kolleksıoner aldy
Parıjde ótken bássaýdada álemdegi eń úlken trıseratopstiń qańqasy satyldy. Úlken Djon dep atalatyn bul qańqany amerıkalyq jeke kolleksıoner 6,6 mln eýroǵa satyp aldy, dep habarlaıdy Almaty-akshamy.kz «MIR24» telearnasyna silteme jasap.
Qańqanyń úlken Djon dep atalýyna kelsek, ol tabylǵan jer sol Djon degen kisige tıesili bolǵan. Keıin qańqaǵa sonyń aty berilipti.
Úshmúıizdi dınzavrdyń úlkendigi sondaı, tipten Gınnester kitabyna eń úlken trıseratopstiń qańqasy retinde enipti. Onyń uzyndyǵy 7,15 metr, al bıiktigi 2,7 metr. Al, basy denesiniń úshten birin alyp jatyr. Eki múıiziniń uzyndyǵy 1,1 metrge jetedi.
Sarapshylar bássaýda barysynda Úlken Djonǵa bar bolǵany 1,2 mln-nan 1,5 mln eýro usynylady dep boljapty. Bássaýda uıymdastyrýshylarynyń aıtýynsha, dınozavr qańqasynyń 6,6 mln eýroǵa satylýy rekord bolǵan. Ony esimin qupıa qaldyrýdy ótingen amerıkalyq jeke kolleksıoner satyp alǵan.