«Investısıalarǵa aıyrbastaý tarıfi»: Almatyda ınfraqurylymdy modernızasıalaýǵa qansha qarajat bólinedi?
Almaty qalasynyń óńirlik komýnıkasıalar qyzmetiniń alańynda QR Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Bódeneevanyń qatysýymen baspasóz konferensıasy ótti.
«Investısıalarǵa aıyrbastaý tarıfi» baǵdarlamasyna sáıkes respýblıka boıynsha ınjenerlik jelilerdiń tozýyn qosymsha ınvestısıalar esebinen: jergilikti búdjet pen tarıfter esebinen orta eseppen 15% - ǵa tómendetý josparlanýda. Qarajat komýnıkasıalardy jóndeýge jáne jańǵyrtýǵa baǵyttalatyn bolady.
Vedomstvonyń málimetinshe, 2023 jylǵa Almatyda jylý jelileri 59,2%-ǵa, sý qubyrlary 54,4%-ǵa, káriz jelileri 57,4%-ǵa tozǵan.
«Tarıfterdiń ózgerýi komýnaldyq kásiporyndardyń óndiristik personalynyń jalaqysyn orta eseppen 58% - ǵa ulǵaıtý úshin qaıta qaraýdy kózdeıdi», - dedi Á. Bódeneeva.
Buǵan deıin QR Energetıka mınıstrligi, QR Indýstrıa jáne ınfraqurylymdyq sharýashylyq mınıstrliginiń Qurylys jáne turǵyn úı-kommýnaldyq sharýashylyq isteri Komıtetimen jáne Almaty qalasynyń energetıka jáne sýmen jabdyqtaý basqarmasymen birlesip, birlesken buıryqtarmen «Almaty jylý jelileri» JSHS, «Almatyjylýkommýnenergo» JSHS, «Almaty sý» SHJQ MKK jáne «Alataý Jaryq kompanıasy» AQ2023-2026 jyldarǵa arnalǵan ınvestısıalyq baǵdarlamalaryna ózgerister engizildi.
Máselen, 2023 jylǵa arnalǵan ınvestısıalyq baǵdarlamalarǵa qosymsha is-sharalar mynadaı somalarǵa engizilgen:
- «Alataý Jaryq Kompanıasy» AQ 5 035 653,75 myń teńge somasyna;
- «Almaty Sý» SHJQ MKK sýmen qamtý boıynsha 1 447 627,00 myń teńge, sý burý boıynsha 1 269 335,00 myń teńge;
- «Almatyjylýkommýnenergo» 1 602 548,07 myń teńge, onyń 1 157 462,18 myń teńgesi jergilikti búdjet esebinen, 445 085,89 óz qarajaty;
- «Almaty jylý jelileri» JSHS 13 938 078,44 myń teńge, onyń 12 538 316,91 myń teńgesi jergilikti búdjet esebinen, 1 399 761,53 óz qarajaty.
«Bul qarajat tabıǵı monopolıalar sýbektileriniń jelileri men jabdyqtaryn rekonstrýksıalaýǵa jáne jańǵyrtýǵa baǵyttalatyn bolady, kásiporyndar boıynsha 2023 jyly tozýdy azaıtý ortasha eseppen 0,96% quraıdy», - dep tolyqtyrdy spıker.
«AlmatyEnergoSbyt» JSHS elektr energıasymen jabdyqtaýdyń shekti baǵalary boıynsha Departamentpen «AlmatyEnergoSbyt» JSHS elektr energıasyn jabdyqtaýǵa baǵanyń aldaǵy ósýi týraly habarlama qaraldy, 2023 jylǵy 1 shildeden bastap ortasha tarıfi QQS-syz 24,76 teńge/kvts qurady:
- halyq úshin tarıf 21,62 teńge/kVtsaǵ QQS-syz;
- zańdy tulǵalar úshin 26,44 teńge/kVtsaǵ QQS-syz;
- búdjettik uıymdar úshin 35,95 teńge/kVtsaǵ QQS-syz;
- AMÓZ óndirýshileri úshin QQS-syz 24,76 teńge/kVtsaǵ.
Tutyný kólemine qaraı saralanǵan tarıfter:
- birinshi deńgeı úshin 19,67 teńge/kVtsaǵ QQS-syz;
- ekinshi deńgeı úshin 25,95 teńge/kVtsaǵ QQS-syz;
- úshinshi deńgeı úshin 32,43 teńge/kVtsaǵ QQS-syz.
Kelesi jaǵdaıda turatyn tutynýshylar úshin artyq tólem:
- Turǵyn aýdany 30 m2 bolatyn 1 bólmeli páter 340 teńgeni quraıdy;
-55 m2 turǵyn aýdany bar 2 bólmeli páter 426 teńgeni quraıdy;
- Turǵyn aýdany 70 m2 bolatyn 3 bólmeli páter 511 teńgeni quraıdy.
«Tarıfter ózgergen kezde tutynýshylar men qoǵamdyq birlestikter ókilderiniń jarıa tyńdaýlarda aıtylǵan usynystary eskerildi, sondaı-aq Departament halyqqa úlken júktemeni boldyrmaý boıynsha jumys júrgizdi, bul rette qalanyń komýnaldyq kásiporyndarynyń óndiristik personalynyń jalaqy deńgeıi joǵary jáne básekege qabiletti bolady, sondaı-aq qalanyń TKSH ınfraqurylymyn jańǵyrtý úshin ınvestısıalyq quramdas bólikter ulǵaıdy, bul qalanyń TKSH ınfraqurylymyn jańǵyrtýǵa ákeletin joǵary sapaly retteletin qyzmetter kórsetý», - dep atap ótti Á.Bódeneeva.