Almatyda 16 myń apatty aǵashtyń ornyna 160 myń kóshet otyrǵyzylady, dep habarlaıdy Almaty-akshamy.kz
_Bir eski aǵashtyń ornyna 10 jańasy otyrǵyzylady._
Almatyda 84 myńnan astam apatty aǵash bar. Almaty qalasy ekologıa jáne qorshaǵan orta basqarmasynyń monıtorıń bóliminiń basshysy Nurlan Quttybaevtyń aıtýynsha, aǵashtardy tizimdeý 2019 jyly júrgizilgen. Onyń qorytyndysy boıynsha kesilýge tıis apatty aǵashtar anyqtaldy.
«Bul jumystar byltyr bastaldy, búginde 5 myńy kesildi. Jospar boıynsha, bıyl 16 925 apatty aǵash kesilip, jyl basynan beri 2,5 myńnan astam aǵash alyndy. Onyń ornyna 1:10 júıesi boıynsha kóshet otyrǵyzylady, ıaǵnı 160 myńnan astam kóshet egiledi», - dedi Nurlan Quttybaev.
Ol úshin mamannyń aıtýynsha, baıqaý jarıalanyp, mamandandyrylǵan uıymdarmen shart jasaldy.
«Qazirgi ýaqytta Almaty qalasynyń aýmaǵynda apatty aǵashtardy kesýge 35-ten astam tehnıka – avtojoldar, ózi aýdarǵysh júk kólikteri, sonymen qatar, 180-den astam adam jumyldyryldy. Jumystar jasyl jelekterdi kútip ustaý talaptaryn saqtaı otyryp júrgiziledi», - dedi spıker.
Aǵashtyń apattylyǵyn anyqtaýǵa ınstıtýttardyń ǵylymı qyzmetkerleri, qala turǵyndary tartylyp, muqıat taldaý jasalady. Nurlan Quttybaevtyń aıtýynsha, jaqyn mańdaǵy úılerdiń turǵyndary jasyl jelekterdi kesýdiń bastalǵany týraly aldyn ala habarlanady. Buǵan deıin arnaıy belgiler ornatylyp, aýmaqtar qorshalady.