Almatyda Kenesary han kóshesi, 54/33 úı mekenjaıyndaǵy turǵyn úı kesheniniń úshinshi qabatyndaǵy terasada zańsyz salynǵan qurylys sot sheshimimen buzylýda.
Bul týraly Almaty qalasynyń Qala qurylysyn baqylaý basqarmasy habarlady.
Buǵan deıin júrgizilgen jospardan tys tekserý barysynda páter ıesi (jeke tulǵa) eshqandaı ruqsat qujattarynsyz óz páterine bir qabatty qosymsha qurylys salyp, turǵyn úı aýmaǵyn aıtarlyqtaı ulǵaıtqany anyqtalǵan.
Iesi ákimshilik jaýapkershilikke tartylyp, buzýshylyqtardy joıý týraly nusqama berilgen.
Alaıda, nusqama talaptary oryndalmaǵandyqtan, 2024 jylǵy 26 tamyzda basqarma Almaty qalasy Almaly aýdandyq sotyna nusqamany májbúrlep oryndatý týraly talap aryz bergen. Sot prosesteriniń nátıjesinde 2025 jylǵy 5 qańtarda sot basqarmanyń talaptaryn qanaǵattandyrǵan.
Búginnen bastap Ádilet departamenti sot oryndaýshylarynyń qatysýymen nysandy buzý jumystary bastaldy.
