Halyqtyń áleýmettik osal toptaryna jatatyn azamattardyń sanattary úshin ótemaqy tólemi 0,8 AEK-ke deıin ulǵaıtyldy, ıaǵnı 2 954 teńge. Bul týraly Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov máslıhattyń kezekten tys XVI sesıasy barysynda depýtattardyń suraqtaryna jaýap bergen kezde aıtty.
Qazirgi ýaqytta Almatyda HÁOT sanatyndaǵy 315 430 azamat turady, olarǵa áleýmettik kómek kórsetý Erejelerine sáıkes ataýly áleýmettik kómek kórsetiledi. Qatqyl turmystyq qaldyqtardy (QTQ) jınaýǵa, tasymaldaýǵa, suryptaýǵa jáne kómýge arnalǵan tarıfterdiń ózgerýine baılanysty shyǵystardy óteý úshin 2024 jylǵy 1 mamyrdan bastap olarǵa 0,05 AEK (184,6 teńge) mólsherinde ataýly áleýmettik kómek tólenetin bolady.
«Naýryz aıynda elektr energıasyna baǵa ósken kezde biz qoldanystaǵy ótemaqy sharasyn 0,6 AEK-ten 0,75 AEK-ke deıin arttyrý týraly bastama kóterdik, sondaı-aq QTQ-ǵa tarıftiń ózgerýin boljaı otyryp, qosymsha 0,8 AEK-ke deıin arttyrýdy kepilge qoıdyq. Halyqtyń áleýmettik osal toptary 1 mamyrdan bastap 0,8 AEK alatyn bolady. Qazirdiń ózinde tolyq ótemaqy», - dedi Baýyrjan Jaýbasov.
Esterińizge sala keteıik, 2023 jyldyń shildesinen bastap Almaty ákimdiginiń bastamasymen qalada azamattardyń 8 osal sanaty úshin ótemaqy tólemderi esebinen TKSH qyzmetteriniń qymbattaýynyń saldaryn teńestirýge baǵyttalǵan joba iske qosyldy.
Máselen, HÁOT sanatyndaǵy azamattarǵa 2023 jylǵy 1 shildeden bastap 0,5 AEK mólsherinde jáne 2023 jylǵy 1 qarashadan bastap elektr energıasyna 0,6 AEK kóleminde sýmen jabdyqtaýǵa ótemaqy tólenýde.