Almatyda halyqtyń áleýmettik osal toptaryn qoldaý úshin áleýmettik kómektiń 17 túri qarastyrylǵan, dep habarlady qalalyq jumyspen qamtý jáne áleýmettik baǵdarlamalar basqarmasy.
Olardyń ishinde-ataýly áleýmettik kómek (AÁK); turǵyn úı kómegi; UOS ardagerlerine jáne azamattardyń basqa da sanattaryna áleýmettik kómek; komýnaldyq qyzmetterge tarıfterdiń kóterilýine baılanysty áleýmettik kómek; múgedek balalardy úıde oqytqany úshin shyǵyndardy óteý; ataýly kúnder men mereke kúnderine tólemder jáne ózge de birjolǵy áleýmettik tólemder.
Máselen, 2024 jyly AÁK jalpy somasy 1,6 mlrd teńgege 14,8 myń adamdy qamtydy. Turǵyn úı kómegi 741 azamatqa 17,3 mln teńge somasynda berildi. Komýnaldyq qyzmetter tarıfteriniń ósýine baılanysty azamattardy qoldaý jeke baǵyt boldy. «Investısıalarǵa aıyrbastaý tarıfi» baǵdarlamasy aıasynda halyqtyń áleýmettik osal toptarynyń ishinen 141 myńnan astam adam aı saıyn 0,8 AEK mólsherinde tólem aldy, bul 4 mlrd teńgeden astam somany qurady.
Osy jyldyń 1 qańtarynan bastap memlekettik járdemaqylar men bazalyq zeınetaqynyń barlyq túrleriniń mólsheri 6,5%- ǵa ulǵaıtyldy, sondaı-aq kómektiń jańa túrleri engizilýde. Mysaly, basqa memleketterdiń aýmaǵyndaǵy áskerı is qımyldardyń ardagerleri úshin Aýǵanstannan áskerlerdi shyǵarý kúnine 100 myń teńgeden jańa tólem engizildi.
Aıta ketý kerek, halyqtyń áleýmettik osal toptaryn qoldaý Almaty ákimdigi jumysynyń basym baǵyttarynyń biri bolyp tabylady.