Týrınde ótip jatqan XXXII qysqy Ýnıversıadada Qazaqstannyń erler quramasy hokeıden alǵashqy jeńisine qol jetkizdi. Bizdiń komanda alǵashqy oıynda Shvesıa quramasyn 9:2 esebimen oısyrata jeńdi, dep habarlaıdy aqshamnews.kz
Qazaqstan Hokeı federasıasynyń málimetinshe, alǵashqy kezeńde shvedter eki shaıba soǵyp, esepte alǵa shyqqan. Alaıda, bizdiń hokeıshiler birinshi kezeńniń sońyna deıin esepti teńestirdi.
Ekinshi kezeńde qazaqstandyqtar shabýyldaryn údetip, eki shaıba aıyrmashylyǵymen alǵa shyqty. Nıkolaı Shýlga kózge tústi, al keıinnen Danııl Sybın dúbl jasady.
Úshinshi kezeńde bizdiń komanda qarsylasyn tolyqtaı jeńiliske ushyratty. Maksım Mýsorov, Ádil Beısembaev, Denıs Chaporov jáne Andreı Býıalskıı gol soǵyp, qorytyndy esepti belgiledi.
Kelesi mach 14 qańtarda ótedi, onda qazaqstandyq hokeıshiler Ońtústik Koreıa quramasymen kezdesedi.
Áıelder quramasynyń nátıjesi:
Qazaqstannyń áıelder quramasy toptyq kezeńdegi alǵashqy oıynda Japonıa komandasynan oısyraı jeńildi. Qorytyndy esep — 0:10.
Hokeı týrnıri 11-22 qańtar aralyǵynda Týrın mańyndaǵy eki arenada ótýde. Erler quramasy «A» tobynda oınap, alda Koreıa, Kanada jáne Chehıa komandalarymen kezdesedi.
Machtar kestesi (Erler):
▪️ 14 qańtar, 20:30 — Qazaqstan — Koreıa
▪️ 16 qańtar, 00:00 — Kanada — Qazaqstan
▪️ 17 qańtar, 00:00 — Qazaqstan — Chehıa
Áıelder quramasy «B» tobynda AQSH pen Chehıa komandalaryna qarsy oınaıdy.
Machtar kestesi (Áıelder):
▪️ 14 qańtar, 20:30 — Chehıa — Qazaqstan
▪️ 16 qańtar, 20:30 — Qazaqstan — AQSH