Swissotel Wellness Resort Alatau Almatyda jumysshy mamandyqtardy nasıhattaý, ınovasıalyq bilim berý tehnologıalaryn engizý jáne halyqaralyq tájirıbeni esepke ala otyryp kásibı bilim berýdi damytýǵa arnalǵan Halyqaralyq kongres ótkizildi. İs-sharany uıymdastyrýshy Almaty qalasy Kásipkerler palatasynyń, Bilim basqarmasynyń TjKB QBJTǴÁO ádistemelik bóliminiń jáne bıznes-seriktesterdiń qoldaýymen Almaty qalasynyń Týrızm jáne qonaqjaılylyq ındýstrıasy koleji bolyp tabylady.
Kongrestiń maqsaty bilim berý, bıznes, startap ókilderi, halyqaralyq sarapshylar men stýdentter qazirgi zamanǵa laıyqty kadrlardy daıarlaýdaǵy negizgi mindetter men múmkindikterdi talqylaı alatyn dıalogtik alań qurý boldy. İs-shara sheńberinde TEDx sózder, stýdenttik jobalardyń pıchıngi, sonymen qatar jetekshi sala mamandarynyń qatysýymen paneldik pikirtalastar ótkizildi. Eýropada meńgerilgen jańa bilim berý tájirıbeleri men standarttaryn engizýge jáne olardy Qazaqstanda beıimdeýge múmkindik beretin pedagogtardyń halyqaralyq tájirıbe almasý nátıjelerine erekshe nazar aýdaryldy. Tájirıbe almasýǵa qatysýshylar – Týrızm jáne qonaqjaılylyq ındýstrıasy kolejiniń pedagogtary bilim sapasyn arttyrý úshin tájirıbege baǵyttalǵan oqytý men halyqaralyq bilim almasý ıdeıasyn alǵa jyljytatyn tájirıbelerimen jáne nátıjelerimen bólisti.
Qurmetti qonaqtardyń qatarynda Almaty qalasy Bilim basqarmasynyń, Qazaqstan qonaqúıler men meıramhanalar qaýymdastyǵynyń, Almaty aportyn óndirýshiler qaýymdastyǵynyń, Qazaqstannyń azyq-túlik kásiporyndary odaǵynyń, sondaı-aq halyqaralyq bilim berý ortalyqtarynyń, qonaqúı jáne meıramhana bıznesiniń ókilderi boldy.
Spıkerlerdiń baıandamalary is-sharanyń ózegine aınaldy. Olardyń árqaısysy aǵymdyq tendensıalardy túsinýge óz úlesterin qosty jáne kásibı bilim berýdi damytýdyń naqty sheshimderin usyndy:
- Karmıne Barbaro, «Italıa» bilim berý ortalyǵynyń jetekshisi, túrli salalardaǵy praktıkalyq oqytý, Italıada tájirıbe almasý men oqytýdy uıymdastyrý tájirıbesin usyndy.
- Gýlmaıra Makýbaıkyzy, «Halyqaralyq seriktestik jáne úzdiksiz bilim berý» kompanıasynyń jetekshisi, halyqaralyq tájirıbe almasýdan ótý men tájirıbe almasýdyń mańyzdylyǵy týraly shabyttandyratyn sóz sóıledi. Ol úzdiksiz bilim alý kolejderdiń, ásirese jahandaný jaǵdaıynda turaqty damýynyń kepili ekenin atap ótti.
«Biz tek bilim almasýǵa ǵana emes, sonymen qatar Eýropa men Qazaqstannyń kolejderi arasynda uzaq merzimdi qarym-qatynas ornatýǵa tyrysamyz. Búgingi tańda oqytýshylar men stýdentterdiń, sonyń ishinde bizdiń Týrızm jáne qonaqjaılylyq ındýstrıasy koleji stýdentteriniń halyqaralyq naryqtyń shyndyǵyn túsinýi jáne óz qabiletterin osy jerde jáne qazir qoldana alýy mańyzdy. Tájirıbe almasýlar dál osy múmkindikti – áreket, qatysý, tájirıbe arqyly úırenýdi beredi», — dep Gýlmaıra Makýbaıkyzy atap ótti.
- Alekseı Kım, Kaizen Ortalyǵynyń komersıalyq dırektory, utymdy basqarý ádistemeleri men Kaizen tásilin oqý úderisine tıimdi engizýmen bólisti.
- Veronıka Starovoıtova, bıznes-jattyqtyrýshy jáne kolej túlegi, halyqaralyq meıramhanada qyzmet kórsetý standarttary men kadrlardy tájirıbelik daıarlaýdyń mańyzdylyǵy týraly aıtyp berdi.
- Inna Mıtrofanova, Almaty aportyn óndirýshiler Qaýymdastyǵynyń vıse-prezıdenti, jańa kásipter men mamandyqtardy qalyptastyrýdaǵy agrotýrızm men jergilikti ónimniń rólin atap ótti.
- Mamyrbekov Erasyl Marhatovıch, QBSQA kolejiniń dırektory, kásiptik bilim berýdi damytýda áleýmettik seriktestiktiń mańyzdylyǵyna toqtala ketti. Ol óz sózinde kolejder men bıznesterdiń jáne sáýlet-qurylys kompanıalarynyń ózara tyǵyz baılanysy arqyly ǵana naqty máselelerdi is júzinde sheshe alatyn básekege qabiletti mamandardy daıyndaýǵa bolatynyn atap ótti. Sondaı-aq jumys berýshilerdiń suranysyn jáne bilim berý jobalaryn birlesip júzege asyrýdy esepke ala otyryp oqý baǵdarlamalaryn jańartý qajettigine basa nazar aýdardy.
İs-sharaǵa erekshe kóńil-kúı syılaǵan Swissotel Wellness Resort Alatau Almaty is-sharany ótkizý alańy qatysýshylarǵa zamanaýı zal, joǵary dárejeli qyzmet kórsetýdi jáne qolaıly jaǵdaılardy qamtamasyz etti. Qonaqúıdiń operasıalyq dırektory Nazym Baıǵojaeva bilim berý salasyndaǵy bastamalardy qoldaıtynyn aıtyp, oqý oryndarymen yntymaqtastyqtyń mańyzdylyǵyn atap ótti.
Kongres Qazaqstandaǵy Jumysshy mamandyqtary jylyndaǵy jarqyn oqıǵaǵa aınaldy jáne zamanaýı kásibı bilim berý – bul ınovasıalar, damý jáne laıyqty bolashaq keńistigi ekendigin rastady.
Mekebaeva Nazym,
dırektordyn orynbasary