26-28 sáýirde Almatyda "Gınekologıalyq isikterdi emdeýdegi zamanaýı tásil" taqyrybynda Eýrazıalyq samıt ótedi, dep habarlaıdy Almaty-akshamy.kz.
Jıynda gınekologıalyq isikterdi dıagnostıkalaý men emdeýdiń ózekti máseleleri, gınekologıalyq qaterli isikpen aýyratyn pasıentterge kómek kórsetýdiń klınıkalyq jaǵdaılary men perspektıvalary, sondaı-aq jatyr moıny obyrynyń profılaktıkasy, onyń ishinde qyzdardy APV-ǵa qarsy vaksınasıalaý talqylanady.
İs-sharany QR Densaýlyq saqtaý mınıstrligi, QR DSM Qazaq onkologıa jáne radıologıa ǴZI, halyqaralyq gınekologıalyq obyr qoǵamymen (IGCS) jáne amerıkandyq-Eýrazıalyq onkologıalyq Alánspen (AECA) birlesip Qazaqstan onkologtar qaýymdastyǵy uıymdastyrady.
Samıttiń jumysyna AQSH, Italıa, Túrkıa, Grýzıa, Ispanıa, Avstralıa, Ulybrıtanıa, Koreıa jáne t.b. elderden 300-den astam onkogınekolog, onkolog, sáýlelik dıagnostıkter, terapevter, patomorfologtar qatysady dep josparlanǵan.
Forýmnyń sheńberinde jatyr moıny obyryn joıý jáne Densaýlyq saqtaý mınıstrliginen, halyqaralyq uıymdardan, ǵylymı zıaly qaýym ókilderinen Qazaqstanda pallıatıvtik kómekke qol jetkizý problemalaryn sheshý jónindegi saıasatty qalyptastyratyn sala kóshbasshylarynyń qatysýymen dóńgelek ústel formatynda pikirtalas alańdary uıymdastyrylady.
Samıttiń jumysyna QR Densaýlyq saqtaý mınıstrliginiń basshylary, Dúnıejúzilik densaýlyq saqtaý uıymynyń, Obyrdy zertteý jónindegi halyqaralyq agenttiktiń (IARC), Eýropalyq medısınalyq onkologıa qoǵamynyń, BUU-nyń halyq salasyndaǵy qorynyń, Hospıstik pallıatıvtik kómektiń Dúnıejúzilik Alánsynyń jáne basqa da kóptegen ókilderi qatysady.