Gúlmıra Satybaldy óz isin qarap jatqan sýdıaǵa qarsylyq tanytty
Prokýror olıgarh Qaırat Satybaldynyń burynǵy áıeli Gúlmıra Satybaldyny segiz jylǵa bas bostandyǵynan aıyrýdy surady, dep habarlaıdy Almaty-akshamy.kz Zakon.kz-ke silteme jasap.
Ol Gúlmıra Satybaldyny qylmystyq quqyq buzýshylyq jasaǵany úshin kináli dep tanýdy surady.
"Satybaldyǵa Qazaqstan Respýblıkasy Qylmystyq kodeksiniń 389-babynyń 4-bóligi boıynsha múlkin tárkileýsiz 6 jylǵa bas bostandyǵynan aıyrý jazasy, QR QK 28-babynyń 3-bóligi boıynsha 8 jylǵa bas bostandyǵynan aıyrý jazasy taǵaıyndalsyn", – dedi prokýror Azamat Sársembaev.
21 sáýir kúni Gúlmıra Satybaldy sotta suraq-jaýap alý kezinde óz kinásin ishinara moıyndaıtynyn málimdedi.
Baıqońyr aýdanynyń №2 sotynda sottalýshy Gúlmıra Satybaldy óz isin qarap jatqan sýdıaǵa qarsylyq tanytty. Qorǵaýshy tarap ókilderi sýdıa jumysyna qarsylyqty jarıalaı otyryp, Gúlmıra Satybaldy QR QİJK-niń 23-babyna súıenetinin jetkizdi. Bul bapta sot obektıvtilik pen beıtaraptylyqty saqtaı otyryp, taraptardyń is júrgizý mindetterin oryndaýy jáne olarǵa berilgen quqyqtardy júzege asyrýy úshin qajetti jaǵdaılar jasaýǵa mindetti ekeni kórsetilgen. Olar sýdıa Kemeńger Imashev ózderine atalǵan jaǵdaıdy jasamady dep málimdedi.