Almaty polısıasy júrgizýshi kýáligin alyp beremin dep alaıaqtyq qylmysyn jasaǵan kúdiktini ustady.
Alaıaqtyq deregi boıynsha Naýryzbaı aýdandyq polısıa basqarmasyna jábirlenýshilerden 5 aryz tústi, dep habarlaıdy Almaty-akshamy.kz Polisia.kz-ke silteme jasap.
Aldyn ala málimet boıynsha, jas jigit júrgizýshi kýáligin rásimdeýde “óz kómegin” usynǵan.
«Jedel sharalar júrgizilip, kúdikti jigit qamaýǵa alyndy. İs júrgizý barysynda onyń osyǵan uqsas bes epızodqa qatysy bar bolýy múmkin ekendigi anyqtaldy. Óz qyzmeti úshin kúdikti 100-den 300 myń teńgege deıin aldyn ala tólem suraǵan. 26 jastaǵy J.esimdi azamatqa qatysty QR QK-niń 190-baby 3-bóligi (Alaıaqtyq) boıynsha qylmystyq is tirkeldi», – dedi Naýryzbaı aýdandyq polısıa basqarmasynyń bastyǵy Muhamedáli Seısenuly.
Tártip saqshylary aldanǵandardyń kóp bolýy múmkin ekendigin joqqa shyǵarmaıdy. Olar azamattardy ustalǵan adamnyń sýretine muqıat qarap, ony tanyǵan jaǵdaıda myna telefon nómirlerine habarlasýǵa shaqyrady: 8 707-808-75-88; 8-747-699-70-02. QR QPK-niń 201-babyna sáıkes, tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.