Almaty polısıa Departamenti 1-2 aqpan kúnderi yqtımal jol shekteýleri týraly habarlady
Qurmetti Almaty qalasynyń turǵyndary men qonaqtary!
Almaty qalasynda aǵymdaǵy jyldyń 1-2 aqpanynda Qazaqstan, Armenıa, Belarýs, Qyrǵyzstan, Reseı úkimet basshylarynyń jáne Eýrazıalyq ekonomıkalyq komısıa alqasy tóraǵasynyń qatysýymen Eýrazıalyq úkimetaralyq keńestiń otyrysy ótedi.
Sonymen qatar, Almaty dástúrli túrde jyl saıynǵy Digital Almaty forýmyn ótkizetin oryn bolyp tabylady.
EMPS halyqaralyq formaty men «Digital Almaty 2024: Indýstrıa X» forýmy saıası jáne qoǵam qaıratkerleriniń, túrli elderdegi sarapshylyq toptardyń jetekshi ókilderiniń jáne IT bıznes kóshbasshylarynyń qatysýyn qarastyrady.
Osyǵan oraı, sharanyń aýqymy men kútiletin qonaqtardyń sanyn eskere otyryp, Almaty polısıa Departamenti 1-2 aqpanda kólik qozǵalysyna ishinara shekteý qoıylatynyn habarlaıdy:
- 1 aqpanda Ál-Farabı dańǵyly, SHAAJ, Qulja tas joly, Saın, Shalápın, Maılın, Buqtyrma kósheleriniń aımaǵynda túzetýler bolýy múmkin.
- 2 aqpan – Ál-Farabı, Seıfýllın dańǵyldary, Saın, Jarokov, Shalápın kóshelerinde.
Aıta ketý kerek, jol shekteýleri qoǵamdyq kólikterdiń jumysyna áser etpeıdi.
Azamattardan ýaqytsha sharalarǵa túsinistikpen qaraýdy jáne keptelisterdi boldyrmaý úshin aldyn ala baǵyttaryn retteýdi suraımyz.