Memleket basshysynyń tapsyrmasy boıynsha «Jaıly mektep» ulttyq jobasy aıasynda Almaly aýdanynda ótken jyldyń sońynda Raıymbek dańǵylynyń Áýezov kóshesimen qıylysynda 1,5 myń orynǵa mektep qurylysy bastaldy.
Qurylys-montaj jumystaryn 2024 jyldyń sońynda aıaqtaý josparlanýda.
Bıyl 2-toqsanda №16 mektepke 300 orynǵa arnalǵan jáne №58 mektepke 576 orynǵa arnalǵan qosalqy japsarjaılar salynady.
2023 jylǵy qarasha aıynan bastap №136 mektep-gımnazıada kúrdeli jóndeý jáne seısmıkalyq kúsheıtý jumystary júrgizilýde, olar bıyl qazan aıynda aıaqtalady. Sondaı-aq bıyl 3-toqsanda №134 jáne №135 mektepterdiń ǵımarattary kúrdeli jóndelip, seısmıkalyq kúsheıtiledi. Mektepke deıingi bilim berý salasynda aǵymdaǵy jyly Máýlenov kóshesindegi ǵımaratty seısmıkalyq kúsheıte otyryp kúrdeli jóndeý josparlanýda, onda 145 orynǵa balabaqsha ashylady.
Sonymen qatar № 10, № 20, № 43 balabaqshalar kúrdeli jóndeýden ótedi. Sondaı-aq, Tastaq shaǵyn aýdanyndaǵy Tilendıev kóshesindegi qoldanystaǵy ǵımarattar buzylyp, 300 oryndyq balabaqsha salynady.