Polısıa «zań men tártip» prınsıpi boıynsha jumystardy jalǵastyryp keledi.
İİM UQK-men birlesip, Almaty qalasynda esirtki zattaryn zańsyz daıyndaýmen jáne saqtaýmen aınalysty degen kúdikpen jas otbasylyq jupty ustady, dep habarlaıdy aqshamnews.kz
– Olar Telegram arqyly jetekshiden alǵan nusqaý boıynsha áreket etip otyrǵan. Kúdiktiler prekýrsorlardy ary qaraı sıntetıkalyq esirtki daıyndaý úshin alyp ketip júrgen. Daıyn ónimdi qaptap, odan ári satý úshin oramalar jasaǵan. Úıdi tintý kezinde 270-ke jýyq doza, sonymen qatar qajetti komponentter men qural-jabdyq tárkilendi. Tergeý amaldary júrgizilýde. Saraptamalar taǵaıyndaldy. Kúdiktiler ýaqytsha ustaý ızolátoryna qamaldy, – dedi İİM esirtki qylmysyna qarsy is-qımyl komıteti tóraǵasynyń orynbasary Danıar Meıirhan.