Almaty qalasynyń Medeý aýdandyq polısıa basqarmasynyń qyzmetkerleri iri alaıaqtyq isin ashyp, zańdylyqty qalpyna keltirdi. Quqyq qorǵaý organdarynyń jedel ári kásibı áreketteriniń arqasynda jergilikti turǵynnyń quqyǵy qorǵaldy, dep habarlaıdy aqshamnews.kz
Alaıaqtar azamattyń páterin zańsyz ıemdenýge áreket jasap, ony aldap ketýge tyrysqan. Degenmen, Medeý aýdandyq polısıa basqarmasynyń anyqtaý bóliminiń qyzmetkerleri bul qylmysty tereń zerttep, árbir epızodty muqıat taldaý arqyly ádilettilikti ornatty.
Zardap shekken azamat polısıa qyzmetkerleriniń kásibıligine rızashylyǵyn bildirip, Almaty qalasy quqyq qorǵaý organdarynyń basshylyǵyna alǵys hat joldady. Hatta bylaı delingen:
– Medeý aýdandyq polısıa basqarmasynyń anyqtaý bóliminiń qyzmetkerleri páterimdi zańsyz ıemdený áreketine baılanysty alaıaqtyq isti kásibı deńgeıde tergedi. Olar árbir jaǵdaıdy muqıat zerttep, ádilettilikti qalpyna keltirýge kómektesti. Polısıa qyzmetkerlerine kásibıligi, adamgershiligi jáne bizge degen shydamdylyǵy úshin úlken alǵysymdy bildiremin. Bizdiń quqyq qorǵaý organdarynda óz isiniń naǵyz mamandary men adam taǵdyryna beı-jaı qaramaıtyn azamattardyń qyzmet etip jatqany maqtanarlyq jaıt.
Almaty qalasy polısıa departamentiniń baspasóz qyzmeti bul oqıǵany polısıa qyzmetkerleriniń zań ústemdigin saqtaýdaǵy adal eńbeginiń jarqyn úlgisi ekenin atap ótti.
Medeý aýdandyq polısıasynyń muqıat jumysy quqyq qorǵaý organdarynyń ádildik pen zańdylyqty saqtaý jolyndaǵy tabandylyǵyn taǵy bir márte dáleldedi.