Almatyda esirtkini jasyryn qoıyp ketýmen aınalysqan sheteldik eki azamat ustaldy, – dep habarlaıdy almaty-akshamy.kz rolisia.kz-ke silteme jasap.
Esirtki qylmysyna qarsy kúres basqarmasynyń qyzmetkerleri arnaıy is-shara barysynda 24 jáne 26 jastaǵy eki Úndistan azamatyn ustady. Olar Prokofev kóshesindegi úılerdiń biriniń aýlasynda esirtkini jasyryn qoıyp ketýmen aınalysqan.
– Sot-hımıalyq saraptama qorytyndysy boıynsha kúdiktilerden tárkilengen oramdardyń ishinde mefedron esirtkisi bolǵan. Olar qylmystaryn moıyndady. Qazirgi ýaqytta Almatyǵa shópti jetkizý arnasy jáne ony óndirýdiń yqtımal joldary anyqtalyp jatyr. Ustalǵandar qamaýǵa alyndy. Esirtki satý deregi boıynsha sotqa deıingi tergeý bastaldy, – dedi Almaty qalalyq polısıa departamenti bastyǵynyń orynbasary Qýatbek Naýatov.
QR QK-niń 201-babyna sáıkes, ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı, kez kelgen azamat sot sheshimi zańdy kúshine engenge deıin kinásiz dep sanalady.