AIGA grepplıng týrnıri dástúrli túrde Halyqaralyq nashaqorlyq pen esirtki bıznesine qarsy kúres kúnine arnalǵan.
Týrnırge Qazaqstan, Qyrǵyzstan, Ózbekstan, Birikken Arab Ámirlikterinen 400 jas sportshy jáne Januıa balalar úıiniń tárbıelenýshileri qatysty.
- 26 maýsym – Halyqaralyq nashaqorlyqqa qarsy kúres kúni, osyǵan baılanysty respýblıka aýmaǵynda esirtkige qarsy is-sharalar aılyǵy ótkizilýde. Búgingi týrnır de erekshelik emes. Jalpyulttyq másele retinde belgilengen ortaq maqsatqa qoldaý kórsetken uıymdastyrýshylarǵa alǵysymyzdy bildiremiz, - dedi Almaty qalalyq polısıa departamenti bastyǵynyń orynbasary Oljas Myrzabekov.
Sondaı-aq sharaǵa AIGA oblystyq jáne qalalyq grepplıng federasıasynyń ókilderi, Qyrǵyz Respýblıkasynyń jıý-jıtsý federasıasynyń arnaıy shaqyrylǵan prezıdenti Samarbek Sabyrjanuly, sondaı-aq oblystyq máslıhat depýtattary, belgili sportshylar men belsendi jastar qatysty. Sonymen qatar sharada JQAJ qyzmetkerleriniń óneri kórsetildi.
- Nashaqorlyq – ult densaýlyǵyna tónetin úlken qater, Elbasy óz Joldaýynda salaýatty ómir salty – eń aldymen árbir adamnyń óz bolashaǵynyń kepili ekenin atap ótti. Osyndaı áreketterdiń arqasynda biz bolashaq urpaqtyń pikirin ózgertip, jaqsylyqqa baǵyttaı alamyz, - dedi S.Nurmaǵambetov atyndaǵy “Sagadat Batyr” sport klýbynyń prezıdenti Erbolat Turymbetov.
Týrnırde jeńimpaz atanǵan sportshylar medaldarmen, syılyqtarmen jáne kýboktarmen marapattaldy.