21 maýsymda Almaly aýdany, Klochkov kóshesi, 26-da saǵat 10.00-den 13.00-ge deıin terorızmge qarsy josparly oqý-jattyǵýlar ótedi.
Oqý-jattyǵýdyń maqsaty-adamdar kóp jınalatyn jerlerde terorıstik sıpattaǵy qaýip-qaterler týyndaǵan kezde ózara is-qımyl jasaý daǵdylaryn pysyqtaý. Oqý mindetteri terorıstik turǵydan osal obektilerde terorızm aktisiniń jolyn kesý tetigin jetildirýge baǵyttalǵan",-dep habarlady Almaty polısıa departamentiniń (PD) baspasóz qyzmeti.
Sonymen qatar, qaýipsizdik qyzmetkerleri oqý-jattyǵý ótkizý kezeńinde shekteý sharalary qarastyrylatynyn eskertti.
"Osyǵan baılanysty, azamattardy ótkiziletin is-sharalarǵa túsinistikpen qaraýǵa, qaýipsizdik sharalaryn saqtaýǵa jáne oqý-jattyǵý ótkizýge tartylǵan memlekettik organdar qyzmetshileriniń zańdy talaptaryn oryndaýǵa shaqyramyz. Sonymen qatar, ÁQBtK - niń 443-babyna sáıkes, qoǵamdyq tártipti qamtamasyz etýge qatysatyn adamnyń zańdy talabyna baǵynbaý ákimshilik jaýapkershilikke ákep soǵatynyn atap ótken jón", - dep eskertti PD-da.