«Qazaqstan Respýblıkasynyń Ulttyq Banki» RMÝ Almaty qalalyq fılıaly 2024 jylǵy 24 shilde «Este qalatyn oqıǵalar men birtýar adamdar» serıasynan QANYSH SÁTBAEV. 125 JYL koleksıalyq monetasynyń satylýy týraly habarlaıdy.
«Este qalatyn oqıǵalar men birtýar adamdar» serıasynan QANYSH SÁTBAEV. 125 JYL koleksıalyq monetasyn satý Ulttyq Banktiń https://kazcoins.nationalbank.kz ınternet-dúkeni arqyly júzege asyrylady, dep habarlaıdy almaty-akshamy.kz «Qazaqstan Respýblıkasynyń Ulttyq Banki» RMM Almaty qalalyq fılıalyna silteme jasap.
Qanysh Sátbaev – keńestik geolog-ǵalym, ǵylym jáne qoǵam qaıratkeri, profesor, Qazaq KSR Ǵylym Akademıasynyń tuńǵysh prezıdenti.
Nomınaly 2 000 teńgelik monetada marganes rýdasynyń, mıneraldyń túsin bildiretin kúreń qyzyl túske ıe tantal saqınasy bar. Bul iri ken ornyn Q. Sátbaev Jezdi aýylynyń mańynda taýyp, ıgergen. Marganes Uly Otan soǵysy kezinde brondy tehnıkaǵa arnalǵan bolat qorytpalary óndirisinde keńinen qoldanylyp, KSRO-ǵa marganes keniniń 70%-dan astamyn berip otyrǵan
Monetalar:
- bıkolorly (dıskisi – 925/1000 synamaly kúmisten, massasy 34 gram, saqınasy – tantaldan, massasy 40 gram), monetanyń massasy – 74 gram, dıametri – 50 mm, sapasy – proof, nomınaly – 2 000 teńgelik, taralymy – 300 (úsh júz) dana;
Bıkolorly monetanyń beınesi
- melhıor qospasynan (MN 25) daıyndalǵan monetanyń massasy – 15 gram, dıametri – 33 mm, sapasy – brilliant uncirculated, nomınaly – 200 teńgelik, taralymy – 5000 (bes myń) dana.
Melhıordan daıyndalǵan monetanyń beınesi
Koleksıalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady.
Koleksıalyq monetalar Qazaqstan Teńge saraıynda daıyndaldy.
Paıdalanýshy úshin «Qazaqstan monetalary» mobıldi qosymshasy da jumys isteıtinin eske sala keteıik. Onda monetalarǵa qysqasha sıpattama berilip, serıalar boıynsha taqyryptyq bólimderge bólingen. Iaǵnı, QUB shyǵaratyn monetalar týraly aqparat tolyqtaı qamtylǵan. Jekelegen monetalar boıynsha beınerolıkterge, monetalardyń 3D-sýretterine, sondaı-aq tolyqtyrylǵan shynaıylyq elementterine silteme berilgen.
Mobıldi qosymshany PlayMarket pen AppStore dúkenderinen júktep alýǵa bolady