Almatyda esirtki jarnamasy bar jazýlardy boıaýǵa arnalǵan kezekti birlesken naýqan ótti, — dep habarlaıdy aqshamnews.kz Polisia.kz-ke silteme jasap.
Turǵyn aýdanda eriktiler men polısıa qyzmetkerleri, qabyrǵalardy, tyıym salynǵan zattardy nasıhattaıtyn jazýlardan tazartty. Naýqanǵa “AMANAT” partıasy janyndaǵy “Jastar rýhy” jastar qanatynyń Bostandyq aýdandyq fılıalynyń, “NARKOSTOP” jobasynyń “JAS Volunteers” volonterlik uıymynyń ókilderi, Almaty qalasy PD esirtki qylmysyna qarsy kúres basqarmasynyń qyzmetkerleri, sondaı-aq Bostandyq aýdany ákimi apparatynyń qyzmetkerleri qatysty. İs-shara Memleket Basshysy belgilegen “Zań jáne Tártip” qaǵıdaty rýhynda jáne QR İshki ister Mınıstrligi jarıalaǵan “Profılaktıka jyly” aıasynda ótti.
Naýqannyń basty maqsaty – esirtkiniń kórneki nasıhatyn joıý ǵana emes, sonymen qatar esirtki qaýpimen kúresý barlyq qurylymdardyń: memlekettik organdardyń, polısıanyń jáne azamattyq sektordyń kúsh-jigerin biriktirýdi talap etetin qoǵamnyń ortaq isi ekenin kórsetý. Mundaı bastamalar qoǵamda esirtki qylmysyna múldem tózbeýshilikti qalyptastyrýǵa jáne jastardy óz qalasy men bolashaq urpaqty qorǵaý úshin naqty áreketterge tartýǵa kómektesedi.
Aqparat kózi