Alǵashqy 100 qazaqstandyq stýdent Satbayev University bazasynda ashylǵan CityU (CityUHK Institute of Research and Innovation - CIRI), zertteýler jáne ınovasıalar ınstıtýtynda oqýdy bastady, dep habarlaıdy aqshamnews.kz
Saltanatty rásimge QR Ǵylym jáne joǵary bilim vıse-mınıstri Dınara Sheglova, Almaty ákiminiń orynbasary Azamat Qaldybekov, QHR Bas konsýly Szán Veı jáne basqa da resmı tulǵalar qatysty.
Satbayev University rektory Meıram Begentaev ınstıtýttyń ashylýy Qazaqstanda joǵary bilim men ǵylymnyń sapasyn arttyrý jónindegi memlekettik baǵdarlamanyń bir bóligi ekenin atap ótti. Cityu-men seriktestiktiń arqasynda qazaqstandyq stýdentter álemniń jetekshi zertteý joǵary oqý oryndarynyń birinde bilim ala alady.
City QS reıtıńinde 62-shi orynda jáne Times Higher Education boıynsha álemdegi eń úzdik 100 ýnıversıtettiń qataryna kiredi. CityU-diń 170-ten astam oqytýshylary planetanyń eń kóp silteme jasaǵan ǵalymdarynyń 2% - na enedi (Stenfordtyń málimeti boıynsha).
«Almatyda Halyqaralyq ýnıversıtet kampýsynyń ashylýymen quttyqtaımyn. Bul stýdentterge sapaly bilim alýǵa múmkindik berip, ǵylym men ınovasıa úshin jańa múmkindikter týǵyzatynyna senimdimin», - dep atap ótti Azamat Qaldybekov óz sózinde.
Ashylý kúni Qazaqstanda top-100 sheteldik JOO-men qos dıplom týraly alǵashqy PhD-shart iske qosyldy. Buryn mundaı kelisimder tek bakalavrıat pen magıstratýraǵa qatysty bolatyn.
Buryn qol qoıylǵan kelisimge sáıkes joǵary oqý oryndary materıaltaný, jasandy ıntellekt jáne azamattyq qurylys salalarynda «2+2» (bakalavrıat) jáne «1+1» (magıstratýra) syzbalary boıynsha birlesken baǵdarlamalardy iske asyrady.
Oqytý aǵylshyn tilinde júrgiziledi, stýdentter Ǵylym jáne joǵary bilim mınıstrliginiń granttary boıynsha oqıdy. Alǵashqy eki jyl - Almatyda, qalǵandary - Gonkongta. PhD-stýdentter sonymen qatar jetekshi halyqaralyq zerthanalarda taǵylymdamadan óte alady.
Instıtýttyń ashylýy Memleket Basshysy Qasym-Jomart Toqaevtyń sheteldik joǵary oqý oryndary fılıaldarynyń sanyn ulǵaıtý týraly tapsyrmasyn oryndaý aıasynda ótýde. Jańa ınstıtýt transshekaralyq ǵylymı yntymaqtastyq pen álemdik deńgeıdegi kadrlardy daıarlaý alańyna aınalady. Bul Qytaıdan tys jerde qurylǵan CityU-diń alǵashqy