Almatynyń Jetisý aýdanynda kúrdeli jóndeý aıasynda Kókjıek shaǵyn aýdanyndaǵy Esentaı ózeniniń jaǵasynda Kokjiek Garden saıabaq aımaǵy salynýda. Jalpy uzyndyǵy 1,7 km quraıdy, dep habarlaıdy almaty-akshamy.kz.
Buǵan deıin bul ýchaske múldem abattandyrylmaǵan: aımaq Gamarnık kóshesinen Kókjıek shaǵyn aýdanyna jol jabyny joq avtomobıl joly retinde qyzmet etken.
Gamarnık kóshesiniń turǵyndary Jetisý aýdanynyń ákimdigine osy ýchaskeni abattandyrý týraly ótinish bildirdi. Aýdan ákimi Gúlnar Kókebaevanyń tapsyrmasy boıynsha Kókjıek shaǵyn aýdanynan Kemel shaǵyn aýdanyna kedergisiz jáne qaýipsiz ótýge múmkindik beretin jaıly jaǵalaý aımaǵyn salý týraly sheshim qabyldandy.
Qazirgi ýaqytta tósenish tóseý, asfálttaý, Esentaı ózeniniń boıynda qorshaýlar, jaıaý júrginshiler kópirleri, 210 jaryqtandyrý tirekteri, balalar, sport jáne kónkı alańdaryna negizder daıyndaý jumystary júrgizildi. Sondaı-aq, uzyndyǵy 10 km avto sýarý salynady.jumystardy aıaqtaý osy jyldyń shilde aıynyń sońynda josparlanǵan. 
Kokjiek Garden saıabaq aımaǵy irgeles turǵyn úı alaptarynyń turǵyndaryn demalys úshin qolaıly jaǵdaımen qamtamasyz etedi: balalar jáne sport alańdary bar jańa qoǵamdyq keńistik, kónkı alańy, jaıaý júrginshiler joldary jáne ózen jaǵasynda demalys aımaǵy paıda bolady. Buryn habarlanǵandaı, Esentaı ózeniniń boıynda jalpy uzyndyǵy 1,2 km bolatyn taǵy bir jańa qoǵamdyq keńistik salynýda. Saıabaq aımaǵy Chernovıskaıa kóshesiniń boıymen Samyrsyn kóshesine deıin sozylady.Qurylys osy jyldyń shilde aıynyń sońynda aıaqtalady.
Aıta keteıik, Jetisý aýdanynyń ákimi laýazymyna Gúlnar Kókebaeva 2020 jyldyń qazan aıynda taǵaıyndalǵan bolatyn.