Buryn ustalǵan kúdikti páterde jıhaz qurastyryp, ıelerin tonamaq bolǵan. Tergeý jumystary jalǵasýda.
Almaty qalasynda polısıa qyzmetkerleri 2024 jyldyń 20 jeltoqsanynda Naýryzbaı aýdanynyń turǵyn úı kesheninde oryn alǵan asa aýyr qylmysty ashty. Sol kúni erli-zaıyptyny tonaýǵa árekettený kezinde ekeýi de aýyr jaraqat alyp, qazirgi ýaqytta aýrýhanada jatyr, dep habarlaıdy aqshamnews.kz.
«Kúdikti, 38 jastaǵy Jetisý oblysynyń turǵyny, jasaǵan qylmysyn moıyndady. Onyń aıtýynsha, ol buǵan deıin zardap shekkenderdiń páterinde jıhaz qurastyryp, olardyń seıfi bar ekenin baıqaǵan. 20 jeltoqsan kúni tańerteń ol bet-aýzyn medısınalyq maska men sharfpen jasyryp, erli-zaıyptylardyń esigin qaqqan. Qolyna tapansha ustap, aqshalaryn berýdi talap etken», – dep habarlady polısıa.
Alaıda úı ıesi kómekke shaqyra bastaǵan soń, qaskóı erli-zaıyptyǵa oq atyp, oqıǵa ornynan qashyp ketken.