Cegiz komanda óner kórsetedi.
Almatyda qalasynda «Dostyq» sport kesheninde voleıboldan erlerdiń Ulttyq lıga komandalary arasynda HHHİ Qazaqstan chempıonatynyń birinshi týry bastaldy, dep habarlaıdy Almaty-akshamy.kz.
Bıyl Ulttyq lıgada segiz komanda óner kórsetedi.
Atap aıtqanda, «Atyraý», «Esil-SK» (Petropavl), «Býrevestnık» (Almaty), «Taraz», «Altaı» (Óskemen), «Pavlodar», «Ushqyn-Kókshetaý» jáne «Jaıyq» voleıbol klýby (Oral) alańǵa shyǵady.
Bıylǵy bir jańalyq, «Mańǵystaý» klýby Ulttyq lıgada oınaýdan bas tartqandyqtan, onyń ornyna «Jaıyq» komandasy qosyldy. Kóp jylǵy úzilisten keıin buryn «Kondensat» dep atalǵan oraldyq klýb elıtaǵa qaıta oraldy.
Búgin alǵashqy oıynda «Ushqyn-Kókshetaý» komandasy «Esil-SK» klýbyn 3:1 esebimen jeńip ketti.
Sondaı-aq bastapqy kúni «Taraz» - «Jaıyq», «Altaı» - «Pavlodar», «Atyraý» - «Býrevestnık» klýbtary ózara kezdesedi.
El chempıony ári kýbok ıegeri «Atyraý» men Qazaqstan kýbogynyń fınalısi «Býrevestnık» búgin sýperkýbokty da sarapqa salady.
Eske sala keteıik, budan buryn «Altaı» voleıbol klýbynyń qatarynan altynshy ret el kýbogyn utyp alǵanyn jazǵan bolatynbyz.