Ákimdik almatylyqtarǵa zańsyz salynyp jatqan turǵyn úı keshenderinen páter satyp almaýǵa shaqyrady
Qaraǵaıly shaǵyn aýdanyndaǵy Fransýzskıı dom turǵyn úı kesheni ruqsat qujatynsyz salynyp jatyr. Ári menshik ıesi sharýa qojalyǵyn júrgizýge arnalǵan jer teliminde turǵyn úı keshenin salýda, - dep habarlaıdy almaty-akshamy.kz
Qala qurylysyn baqylaý basqarmasy shilde aıynda nysandy jospardan tys tekserý qorytyndysy boıynsha menshik ıesi ÁQBtK-niń 316-baptyń 1 bóligi, 321 bap boıynsha jaýapkershilikke tartyldy, sonymen qatar, atalǵan zań buzýshylyqty 19.10.2022 jylǵa deıin joıý týraly buıryq shyǵaryldy. Buıryq merzimi ótken soń ony oryndaý úshin qaıta tekserý taǵaıyndaldy, qazir qujattary prokýratýrada tirkeýden ótýde.
Sonymen birge, basqarma qurylys-montaj jumystaryn júrgizýge jáne salynyp jatqan jyljymaıtyn múlikti satýǵa aldyn ala shart jasasýǵa tyıym salý týraly talap-aryzdy sotqa joldady.
Aıta ketsek, basqarma +7 (727) 229-81-36 nómirli senim telefonyn iske qosty, bul arqyly jyljymaıtyn múlikti satyp almas buryn salynyp jatqan turǵyn úı kesheni qujattarynyń bar-joǵyn tekserýge bolady.