Bul týraly Almatynyń Inklúzıvti ortany damytý jónindegi Keńesiniń I-shi otyrysynda aıtyldy, dep habarlaıdy Almaty-akshamy.kz.
«Erte jastaǵy balalar men olardyń otbasylaryna kómek kórsetý jáne qoldaý maqsatynda shahar basshysy Erbolat Dosaevtyń tapsyrmasy boıynsha qalanyń 8 aýdanynda mektepke deıingi uıymdar bazasynda erte aralasý qyzmetterin ashý josparlanýda. Bul qyzmettiń quramyna 56 maman kiredi: transdısıplınarlyq maman, damý pedıatry, psıholog, arnaıy pedagog, sensorlyq ıntegrasıa jónindegi maman, logoped, kásibı terapevt», — dedi qala ákiminiń orynbasary Ásem Núsipova.
Erte aralasý ortalyǵy vedomstvoaralyq ózara is-qımyl organyna aınalady. Sol arqyly tıisti qyzmetterdiń qyzmetin qarjylandyrýdy júzege asyrý josparlanady. Onyń negizgi mindeti — táýekel tobyndaǵy jáne múgedektigi bar balalardyń biryńǵaı derekqoryn qurý, sondaı-aq qajetti qyzmetterdi alýdyń qadamdyq prosesin jolǵa qoıýǵa septigin tıgizedi.
