Erekshe qajettilikteri bar adamdardy áleýmettik qoldaý – Almaty ákimdiginiń basym mindetteriniń biri.
Bul týraly qala basshysy Erbolat Dosaev ınklúzıvti ortany damytý jónindegi Keńestiń birinshi otyrysynda málimdedi, dep habarlaıdy Almaty-akshamy.kz.
«Búginde Almatyda erekshe qajettilikteri bar 58 myńnan astam adam turady, onyń 9 myńy – bizdiń balalarymyz. Árbir azamat erkin damýǵa, oqýǵa, jumys isteýge jáne bizdiń súıikti qalamyzdyń damýyna óz úlesin qosýǵa múmkindik ala otyryp, ózin qoǵamnyń tolyqqandy múshesi retinde sezinýi mańyzdy», - dep atap ótti megapolıs basshysy.
Mundaı ınklúzıvti ortany qurý ákimdik pen azamattyq qoǵamnyń birlesken kúsh-jigerin talap etedi. Erbolat Dosaevtyń aıtýynsha, basym maqsattardyń biri – Almatyny ınklúzıvti, teń múmkindikter qalasy etý. Ótken jyldan bastap osy baǵytta belsendi qadamdar jasalýda.
Eske salsaq, búrokratsyzdandyrý sharalaryn iske asyrý aıasynda múgedektigi bar adamdar máseleleri boıynsha eki konsýltatıvtik-keńesshi organnyń qyzmetin qaıta formattaý jáne Almaty qalasynyń ınklúzıvti ortasyn damytý jónindegi keńes qurý týraly sheshim qabyldandy.
Keńes tóraǵasy - Almaty qalasynyń ákimi Erbolat Dosaev, tóraǵanyń orynbasarlary – ákimniń orynbasary Ásem Núsipova jáne ákimniń shtattan tys keńesshisi Qasıet Omarova boldy. Sondaı-aq, keńes quramyna múmkindigi shekteýli jandardyń quqyqtaryn qorǵaý salasyndaǵy belgili qoǵam qaıratkerleri Bogdan Djepka, Tatána Baklajanskaıa, Maıra Súleeva, Ásıa Ahtanova, Raýana Saǵadıeva jáne basqalar endi.
2023 jyldan bastap ákimdik janynan qala ákiminiń ınklúzıa jónindegi shtattan tys keńesshi ınstıtýty sátti engizildi, keńesshiniń keńsesi jumys isteıdi, onda qalany basqarýdyń barlyq aspektilerine ınklúzıvti qaǵıdattardy engizý jónindegi komanda jumys isteıdi.