Almatyda otbasylyq janjalǵa qatysy bar er adamnyń ańshy qarýy tárkilendi.
Almaty qalasynyń polısıa qyzmetkerleri otbasylyq-turmystyq qatynastar aıasynda bolatyn quqyq buzýshylyqtar men qylmystardyń aldyn alý maqsatynda 20-29 qańtar aralyǵynda "Turmys" jedel-profılaktıkalyq is-sharasyn ótkizýde, dep habarlaıdy aqshamnews.kz Polisia.kz-ke silteme jasap..
Almaty qalasy polısıa departamentiniń málimetinshe, otbasylyq-turmystyq janjaldar kóbine ishimdik ishý nemese erli-zaıyptylar arasyndaǵy qyzǵanysh saldarynan týyndaıdy. Mundaı oqıǵalardyń aldyn alý úshin quqyq qorǵaý organdary túsindirme jumystaryn júrgizip, anyqtalǵan árbir quqyq buzýshylyq boıynsha tıisti shara qoldanady. Osyndaı oqıǵalardyń biri Bostandyq aýdanynda tirkeldi.
Polısıaǵa túsken aqparat boıynsha, bul otbasynda jıi janjal bolyp turatyndyqtan, olar tártip saqshylarynyń nazarynda bolǵan. Zerdeleý barysynda otaǵasynyń tirkelgen ańshylyq qarýy bar ekeni anyqtaldy. Sonymen qatar onyń turaqty túrde ishimdik iship, otbasylyq tynyshtyqty buzatyny belgili boldy. Oqıǵanyń qaıǵyly jaǵdaıǵa ulasýynyń aldyn alý maqsatynda polısıa qyzmetkerleri er adamnyń ańshylyq qarýyn tárkileý týraly sheshim qabyldady.