Auanyń lastanuynan Iran ekonomıkasy jyl saıyn 12 mlrd dollar shyǵyn kóríp keledí.
Al ótken jyly (2024 j.) parsy elínde las auanyń kesírínen 50 myńǵa tarta adam kóz jūmǵan, dep habarlaıdy aqshamnews.kz.
Būl jaıynda islam.kz portaly óz kezegínde Irannyń densaulyq saqtau mınıstrí Mūhammedreza Zafarǵan málímdemesínde keltírílgen derekke jón síltegen Anadolu aqparat agenttígíne sílteme jasaı otyryp málím etedí.
Mınıstr Taza aua kúníne arnalǵan ūlttyq jınalysta mínberden sóz alyp, jyl saıyn eldegí ólím-jítímníń 12,56%-y auanyń lastanuymen baılanysty oryn alatynyn jasyrmady. Halyqaralyq standartqa sáıkes auanyń bír tekshe metrínde zıyandy bólshekterdíń mólsherí 5 mıkrogramnan asatyn bolsa, yaǵnı, shoǵyrlansa, būl deńgeı auanyń lastanǵanyn bíldíretín kórsetkísh. Al Iran aumaǵyndaǵy būl kórsetkísh 12 mıkrogramǵa jetken.
Iran halqy jyldyń 247 kúnín lastanǵan auamen tynystap ótkízedí eken. Al el astanasy – Tehran qalasynyń tūrǵyndary jylyna 353 kún lastanǵan auamen tynystauǵa tura keledí. Būǵan eń aldymen aua aınalymy úshín Tehrannyń jaǵrafıyalyq tūrǵydan qolaısyz aımaqta ornalasqandyǵy sebep bolyp otyr. Būdan bólek, sanktsıyaǵa baılanysty tozyǵy jetken avtokólíkter de auanyń lastanuyna kóp úles qosyp otyr.