AQSH prezıdenti Donald Tramp 2024 jylǵy shildede qastandyq jasalǵan kezde ózin kúzetip júrgen Shon Karrandy Qupıa qyzmetiniń basshysy etip saılady, dep habarlaıdy aqshamnews.kz.
«Men Shon Karrandy Amerıka Qurama Shtattarynyń Qupıa qyzmetiniń kelesi basshysy etip taǵaıyndaǵanymdy maqtan tutamyn», dep jazdy Tramp Truth Social jelisinde.
Prezıdenttiń aıtýynsha, Karrannyń quqyq qorǵaý salasynda 23 jyldyq tájirıbesi bar, ol AQSH qupıa qyzmetine 2001 jyly kelgen.
«Ol Batlerdegi (Pensılvanıa shtaty) meni qutqarý úshin óz ómirin qaterge tigip, óziniń batyldyǵyn kórsetti. Men Shonnyń Amerıka Qurama Shtattarynyń Qupıa qyzmetin burynǵydan da kúshti etetinine tolyq senimdimin», dedi AQSH prezıdenti.
Esterińizge sala keteıik, 2024 jyldyń 14 shilde kúni Donald Trampqa Pensılvanıada sóz sóıleýi kezinde qastandyq jasaldy. Saldarynan Tramptyń qulaǵyna oq tıgen edi. Sondaı-aq, mıtıńke qatysýshy bir adam kóz jumdy. Trampqaq atqan 20 jastaǵy amerıkalyq Tomas Mettú Krýks Qupıa qyzmetiniń agentteri qolynan qaza tapty.