Jetisý aýdandyq polısıasynyń málimetinshe, oqıǵa túngi saǵat birde Seıfýllın dańǵyly men Aqpaev kóshesiniń qıylysynda bolǵan.
Eki er adam beıtanys azamatty janjaldasyp qalǵanynyń kesirinen uryp-soqqan.
«Jábirlenýshi shuǵyl túrde aýrýhanaǵa jatqyzyldy, ony basynan taspen urǵan. Shabýyl jasaýshylardyń jeke basy birden anyqtaldy. Olar ustalyp, QR QİJK-niń 128-babyna sáıkes ýaqytsha ustaý ızolátoryna qamaldy. Atalǵan derekke qatysty qylmystyq is QR QK-niń 106-baby 2-bóliginde kózdelgen qylmys belgileri boıynsha tergelip jatyr. Qylmystyq is aıasynda sot-medısınalyq saraptama taǵaıyndaldy. Oqıǵanyń basqa da mán-jaıy anyqtalyp jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.