Dúnıejúzilik mıkrobqa qarsy preparattarǵa kónbeýshilik máselesi týraly habardarlyqty arttyrý aptalyǵy sheńberinde Astanada QR DSM Qoǵamdyq densaýlyq saqtaý ulttyq ortalyǵynyń sarapshylary DDU qoldaýymen mıkrobqa qarsy kónbeýshilikti (MQK) epıdemıologıalyq qadaǵalaýdyń ulttyq baǵdarlamasyn nyǵaıtý jáne «Biryńǵaı densaýlyq» tujyrymdamasyna sáıkes odan ári is-sharalardy iske asyrý boıynsha ózekti máselelerdi talqylady.
«Dúnıejúzilik densaýlyq saqtaý uıymynyń (DDU) mıkrobqa qarsy kónbeýshilikke qatysty jahandyq qadaǵalaý júıesi (GLASS) antıbıotıkke tózimdiliktiń keń taralǵanyn anyqtady. Usynylǵan málimetterge sáıkes, belgili bakterıalardyń 70%-y bir nemese odan da kóp antıbıotıkterge tózimdilikti damytty», - dep atap ótti «SESMǴPO» fılıalynyń bakterıalyq ınfeksıalardy jáne antıbıotıkke kónbeýshilikti baqylaý jónindegi referens zerthanasynyń meńgerýshisi Dına Abbasova.
Mıkroorganızmderdiń antıbıotıkterge kónbeýshiligi - bul mýtasıanyń nátıjesinde bakterıalar genomynyń ózgerýi jáne odan keıingi eń sátti nusqalardy tańdaý. Qarsylyq bakterıanyń túrlik belgisi retinde qyzmet etse, týa bitken bolýy múmkin, dep qosty sarapshy.
Búgingi tańda «antıbıotıkterge kónbeýshilik» adam densaýlyǵyna, azyq-túlik qaýipsizdigine eń úlken qaýipterdiń biri bolyp tabylady jáne kez kelgen jastaǵy jáne kez kelgen eldegi kez kelgen adamǵa áser etýi múmkin. Antıbıotıkterdiń tıimdiliginiń tómendeýine baılanysty ınfeksıalyq aýrýlardy emdeý qıyndaı túsýde. Antıbıotıkterge kónbeýshiliktiń saldary uzaq emdeýge jatqyzý, medısınalyq shyǵystar men ólim-jitimniń artýy bolyp tabylady.
Keńeske qatysýshylar adamdar men janýarlardy emdeý úshin mıkrobqa qarsy preparattardy shamadan tys jáne tıisinshe paıdalanbaý problemalaryn qarady, sondaı-aq zerthanalyq áleýetti kúsheıtý, densaýlyq saqtaý, veterınarıa, qorshaǵan ortany qorǵaý sektorlarynda kelisilgen den qoıý sharalary boıynsha usynymdar usynyldy.
Keńeske QR DSM Sanıtarlyq-epıdemıologıalyq baqylaý komıtetiniń, QR ASHM Veterınarlyq baqylaý jáne qadaǵalaý komıtetiniń ókilderi, DDU-nyń Qazaqstandaǵy, Nazarbaev Ýnıversıtetiniń Medısına mektebiniń, Birikken Ulttar Uıymynyń Azyq-túlik jáne aýyl sharýashylyǵy uıymynyń ókilderi, táýelsiz dárihanalar qaýymdastyǵy, barlyq múddeli vedomstvolar men qurylymdardyń medısına qyzmetkerleri, «Qazaqstan Respýblıkasyndaǵy mıkrobqa qarsy preparattarǵa kónbeýshilikti (turaqtylyqty) tejeý» Jol kartasyn iske asyrý jónindegi vedomstvoaralyq jumys tobynyń músheleri qatysty.