Almatyda er adam jalǵa alynǵan qural-jabdyqtardy qaıta satqan
Tártip saqshylarynyń aıtýynsha, 25 jastaǵy G. esimdi azamat saıtqa kompúterlik tehnıkany jalǵa berý týraly habarlandyrýlar ornalastyrǵan. Rásimdeý úshin óz qolymen jasalǵan kelisimshart ta daıyndaǵan, dep habarlaıdy Almaty-akshamy.kz Polisia.kz-ke silteme jasap.
Kompúterlik klýb ashpaq bolyp alǵan kompúterlerdi sodan keıin qaıta satyp jibergen.
«Tórt jábirlenýshi polısıaǵa aryzdanǵan. Jedel izdestirý sharalary barysynda kúdikti qolǵa tústi. Qazirgi ýaqytta tergeýdiń tolyqtyǵyn, jan-jaqtylyǵyn jáne obektıvtiligin qamtamasyz etýge baǵyttalǵan keshendi tergeý sharalary júrgizilýde. Sotqa deıingi tergeýdiń biryńǵaı tizilimine qylmystyq is QR QK-niń 190-baby 1-bólimi boıynsha tirkeldi. Jábirlenýshilerge keltirilgen shyǵynnyń jalpy somasy shamamen eki mıllıon teńgeni qurady», – dedi Jetisý aýdandyq polısıa basqarmasy bastyǵynyń orynbasary Asqat Dáýletıarov.