Bul quqyqbuzýshylyqtardyń basym bóligi Almaty qalasynda tirkelgen.
2021 jyldyń qańtar-qazan aılarynda elimizde «Alaıaqtyq» baby boıynsha 34,8 myń qylmystyq quqyqbuzýshylyq tirkeldi. Bul ótken jylmen salystyrǵanda 28,7%-ǵa artyq, dep habarlaıdy Almaty-akshamy.kz Finprom.kz saıtyna silteme jasap.
2020 jyldyń osy kezeńinde elimizde 27 myń osyndaı quqyqbuzýshylyq tirkelgen.
Bul quqyqbuzýshylyqtardyń basym bóligi Almaty qalasynda tirkelgen: 7,2 myń oqıǵa – bir jyl burynǵydan 27,9%-ǵa kóp. Alaıaǵy kóp qalanyń qatarynda Nur-Sultan (5,2 myń is, plús 49,6%) men Shymkent (3,2 myń is, + 11,5%) te bar.
«Alaıaqtyq» baby boıynsha eń az quqyq buzýshylyq Qyzylorda oblysynda tirkeldi: 599 oqıǵa – bul bir jyl burynǵydan 8,5%-ǵa artyq.
Tirkelgen mundaı quqyq buzýshylyqtardyń jalpy sany 18 myńǵa jýyq, onyń ishinde: ınternet-alaıaqtyq, 294 fakt – tólem kartochkalaryn paıdalaný, 116 is – qaryz qarajatyn alý, 70 is – nesıe berý salasyndaǵy quqyqbuzýshylyq, 6 is – jer qatynastary salasyndaǵy alaıaqtyq boıynsha, 5 is – jyljymaıtyn múlikke qatysty quqyqbuzýshylyqtar boıynsha.
Jyl basynan beri alaıaqtyq áreketterden keltirilgen zalaldyń somasy 50,9 mlrd teńgeni qurady, onyń ishinde jeke tulǵalarǵa 38 mlrd teńge, memleketke 8,5 mlrd teńge, zańdy tulǵalarǵa 4,3 mlrd teńge zalal keltirilgen.
2021 jyldyń qańtar-qazan aılarynyń sońynda alaıaqtyq jasaǵan 4,9 myń adam tirkeldi, bul bir jyl burynǵydan 13,2%-ǵa az. Olardyń ishinde 4 myń jumyssyz, 127 jumysshy, 122 memlekettik qyzmetker, 109 jeke kásipker, 40 stýdent, 10 áskerı qyzmetker boldy.