15 qyrkúıekten 15 qarashaǵa deıin memlekettik jáne jeke menshik medısınalyq uıymdarǵa tirkelýge bolady.
Bul týraly týraly «Respýblıkalyq elektrondyq densaýlyq saqtaý ortalyǵy» Almaty qalalyq fılıalynyń dırektory Gúlnar Ysqaqova aıtyp berdi, dep habarlaıdy Almaty-akshamy.kz.
Qazaqstanda alǵashqy medısınalyq-sanıtarlyq kómek (BMSK) uıymyn erkin tańdaý boıynsha bekitý naýqany bastalady. Dástúrli túrde bul is-shara 2 aı boıy ótkiziledi.
«Búginde almatylyqtardyń medısınalyq saqtandyrý aıasynda qyzmet kórsetý úshin 71 medısınalyq mekemege tirkelý múmkindigi bar, onyń ishinde 40 memlekettik jáne 31 jeke menshik nysany bar», – dedi G. Ysqaqova.
Spıkerdiń aıtýynsha, tirkeý naýqany kezinde azamattar ózi turatyn aýmaq sheńberindegi memlekettik qana emes, jeke menshik klınıkalarǵa da tirkele alady. Ol úshin emhana medısınalyq saqtandyrý qorynyń jetkizýshiler tiziminde bolýy tıis.
Atap ótsek, bıylǵy naýqan barysynda emhana aýystyrǵan azamattar ózi tańdaǵan emdeý mekemesiniń qyzmetin 2023 jyldan bastap paıdalana alady. Jalpy, emhana aýystyrý mindetti emes. Burynǵy emhana qyzmetine kóńili tolatyn azamattar ári qaraı da burynǵy klınıkanyń qyzmetin paıdalana berse bolady.
«Emhana ózi qyzmet kórsetetin aımaqtan tys jerde turatyn azamattardy, sondaı-aq, bastapqy medısınalyq-sanıtarlyq kómek kórsetetin mekeme júktemesi shekten asyp ketken jaǵdaıda tirkeýden bas tartýy múmkin. Qoldanystaǵy normatıvterge sáıkes, ýchaskedegi jalpy praktıka dárigerine tirkelgender sany 1700-den aspaýy tıis», – dep habarlady ókil.
Sondaı-aq, bıyl tirkeý tártibine birqatar ózgerister engizilgenin atap ótken jón. Budan bylaı Eýrazıalyq ekonomıkalyq odaqqa múshe memleketterden kelgen eńbek mıgranttary emhanaǵa tirkelý úshin erikti medısınalyq saqtandyrý polısin satyp alýy tıis. Olar tirkelý úshin emhananyń tirkeý bólimine baryp ótinish jazady.
Tirkeý naýqanyna Qordyń málimetter bazasyna engen emdeý mekemeleri ǵana qatysady. Olardyń tolyq tizimimen MSQ www.fms.kz resmı saıtyndaǵy «Emhanany tańdaý» bóliminde tanysýǵa bolady.