Josparly stomatologıalyq kómek 18 jasqa deıingi balalar men júkti áıelderge ǵana kórsetiledi.
Almaty Qoǵamdyq densaýlyq saqtaý basqarmasynyń emdeý-profılaktıkalyq qyzmet bólimi jetekshisi Láıla Imanǵalıeva stomatologıalyq kómekti paıdalaný joldaryn túsindirip berdi, dep habarlaıdy Almaty-akshamy.kz
Ambýlatorıa deńgeıindegi josparly jáne shuǵyl stomatologıalyq kómek mindetti áleýmettik medısınalyq saqtandyrý paketi arqyly qarjylandyrylady jáne azamattardyń jekelegen sanattary úshin tegin kórsetiledi.
Láıla Imanǵalıevanyń aıtýynsha, josparly stomatologıalyq kómek 18 jasqa deıingi balalar men júkti áıelderge ǵana kórsetiledi.
«Olar tisti jansyzdandyrý, hımıalyq plomba salý, terapevtiń qabyldaýy, pýlpıt pen perıdontıtti emdeý, flúoroz, gıpoplazıa kezinde tistiń anatomıalyq pishinin tolyq qalpyna keltirý, tisti hırýrgıalyq jolmen julý t.b. qyzmetterdi tegin paıdalana alady. Tis dárigeriniń qyzmetine júginý úshin stomatologıalyq klınıkaǵa habarlasyp, qabyldaýǵa jazylǵan durys», - deıdi sarapshy.
Al, shuǵyl stomatologıalyq kómek kepildendirilgen tegin medısınalyq kómek paketi sheńberinde, halyqtyń áleýmettik jaǵynan az qorǵalǵan sanattaryna ǵana kórsetiledi. Olardyń qatarynda 18 jasqa deıingi balalar, júkti áıelder, UOS ardagerleri, barlyq top múgedekteri, «Altyn alqa», «Kúmis alqamen» marapattalǵan kóp balaly analar, zeınetkerler, ataýly áleýmettik kómek alýshylar, juqpaly jáne áleýmettik mańyzy bar syrqattarmen aýyratyn naýqastar, balalyq shaqtan İ top múgedegin kútýshiler bar.
Stomatologıalyq kómekti emhana arqyly ǵana emes, medısınalyq saqtandyrý júıesinde jumys isteıtin jeke menshik tis klınıkalary arqyly da paıdalanýǵa bolady. Olardyń tolyq tizimi: https://fms.kz/upload/iblock/a96/a96c885150d8167c0812d1292f7f28ab.xlsx
Esterińizge sala ketsek, stomatologıalyq kómekke qatysty barlyq suraqtardy medısına uıymy janyndaǵy Pasıentterdi qoldaý qyzmetine joldaýǵa bolady.