№4 perzenthananyń akýsherleri salmaǵy 5 keli 100 gram náresteni dúnıege ákeldi, - dep habarlaıdy almaty-akshamy.kz
Almatylyq Natalány batyr ana dep ataıdy. Ádette mundaı iri náresteni dárigerler kesar tiligi arqyly bosandyrady. Sol sebepti akýsherler ony tolyq daıyn otalyq toptyń qatysýymen bosandyrdy. Bul joly kesar tiligin jasaý qajet bolmady, úsh saǵattan keıin dúnıege sábı qyz keldi.
«Áıelde qaǵanaq sýynyń kóptigi oryn aldy, mundaı jaǵdaıda ózi bosanǵanda ana men bala úshin belgili bir qaýip boldy. Qaǵanaq sýynyń kóptigi kezinde asqyný bolsa, kindiktiń túsýi múmkin edi. Al bul óz kezeginde shuǵyl túrde kesar tiligi arqyly bosandyrýdyń kórsetkishi bolar edi. Últra-dybystyq zertteý kezinde ishtegi náresteniń salmaǵy 4600-4800 bolady dep boljanǵan. Kesar tiligi arqyly bosaný josparda bolǵan, biraq kenetten týyt bastalyp ketti. Natalány Ekaterına Samarseva, Indıra Kemalova úsheýmiz birge jaıylǵan ota bólmesinde bosandyrdyq. Bárimiz daıyn boldyq. Qarashanyń birinde tańǵy saǵat 5:30-da dúnıege qyz bala keldi», - deıdi Almaty №4 perzenthanasynyń akýsher-gınekology Aınur Imanqulova.
Qazir Natalá úıge shyǵýǵa daıyndalyp jatyr. Qyzyn Dará dep atady. Bul Natalányń otbasyndaǵy tórtinshi bala.
«Men 38 jastamyn, úlken qyzym 11de, ulym 9 jasta, sodan keıin 2,7 jastaǵy taǵy bir ulym bar, mine, Darıa degen qyzym dúnıege keldi. Dará - syılyq degen sózden shyqqan. Alla Taǵala bizge tórt bala syılady. Meniń úlken qyzym da iri salmaqpen dúnıege keldi - 4100 gram. Dasha da iri, bosaný qıyn boldy. Qyzymdy dúnıege ákelýge kómektesken dárigerlerge rahmet. Óz jumysyn jaqsy, úılesimdi oryndaıdy, 5 dep baǵalar edim. Akýsherlerdiń jumysy óte aýyr, olar naǵyz batyrlar eken. 2020 jyly osynda úshinshi balamdy bosandym, maǵan perzenthana unady, sondyqtan Tórtinshi perzenthanaǵa qaıta oraldym», – deıdi almatylyq Natalá.
İshtegi náresteniń úlken bolýy qazir sırek jaǵdaı emes deıdi dárigerler. №4 perzenthanada jyl basynan beri salmaǵy 4 keliden asatyn 621 sábı dúnıege kelgen. Al salmaǵy 5 keliden asatyn 10 bala týdy.
İshte iri náresteniń damý sebepteri: júkti áıelde qant dıabetiniń bolýy, gemolıtıkalyq aýrý - bul aýrý bala men onyń anasy arasynda rezýs qaıshylyǵy oryn alǵanda bolady, tuqym qýalaýshylyq, ekinshi jáne keıingi júktilik, júkti áıel kómirsýtekti taǵammen shamadan tys tamaqtanǵan jaǵdaıda bolýy múmkin.