Megapolıs ákimi Baqytjan Saǵyntaev Almaty TA efırinde ınjenerlik ınfraqurylymdy damytýdyń onlaın-prezentasıasy kezinde jeke sektordy gazdandyrý jáne gaz jelilerin rekonstrýksıalaý týraly aıtty, dep habarlaıdy almaty-akshamy.kz
Ótken jyly Almatyda 6 myńǵa jýyq úı gaz jelisine qosyldy. Halyqtyń áleýmettik osal tobyna jatatyn 92 jeke turǵyn úı paıyzsyz nesıelendirý jobasy aıasynda gazǵa qosyldy.
Bıyl 1943 úıdi gaz jelisine qosý josparlanyp otyr. Onyń ishinde 1684 jeke turǵyn úı gaz jelilerine qosylǵan. Jelilerge qosyla almaıtyn 259 úı bıyl «QazTransGaz Aımaq» AQ-nyń 2022 jyly olardy gaz jelilerine qosýdyń ınvestısıalyq baǵdarlamasyna engizilgen.
Aǵymdaǵy jyly bý jáne gaz qondyrǵy qurylysy arqyly JEO-2-ni gazǵa kóshirýdiń tehnıkalyq-ekonomıkalyq negizdemesin ázirleý josparlanýda. Jobanyń memlekettik saraptamasyn berý merzimi – 2021 jyldyń jeltoqsan aıy. Jobany iske asyrý atmosferadaǵy zalaldy zattardy 38 myń tonnadan 4,7 myń tonnaǵa deıin tómendetýge múmkindik beredi.
Sondaı-aq aǵymdaǵy jyly gaz ınfraqurylymyn damytýǵa jáne gaz qubyrlarynyń ótkizý qabiletin arttyrýǵa baǵyttalǵan iri jobalardy iske asyrý josparlanýda, olar qazirgi kezde saǵatyna 880 myń tekshe metrdi quraıdy. Bul Almatyda gazdy tutyný múmkindigi boıynsha jetkiliksiz.
Gaz jelileriniń ótkizý qabiletin arttyrý jáne turǵyndardy gazben úzdiksiz qamtamasyz etý úshin barlyq segiz aýdanda 40 km jeli rekonstrýksıalanady.