Almaty ákimi Baqytjan Saǵyntaevtyń málimeti boıynsha, bıylǵy jyly 9 shaqyrym jeli qaıta jańartylady, 11 shaqyrymy jóndeledi, bul apatty ári jylý shyǵynyn azaıtady.
Almaty telearnasynyń tikeleı efırinde ınjenerlik ınfraqurylymdy damytýdyń onlaın-prezentasıasy barysynda Baqytjan Saǵyntaev qaladaǵy jylý jelileriniń uzyndyǵy 1,288 myń shaqyrym, onyń 289,3 shaqyrym magıstraldyq jeli, 994,9 shaqyrym taratý jelileri ekeni týraly aıtty, dep habarlaıdy almaty-akshamy.kz
Jylý jelisiniń 4 shaqyrymnan astamy ıesiz qalǵan. Jylý berý jelileriniń ortasha tozýy 62%-dy quraıdy. Ystyq sý turǵyndardyń úılerine 71 sorǵy stansasy arqyly beriledi.
Qalanyń 70%-y úsh jylý kózimen jylytylady, olar: JEO-1,-JEO-2, «AlES» AQ-nyń Batys jylý kesheni - «Samuryq-Energo». Qalǵany 83 jylý kózinen alady, olar: «ATKE» JSHS jergilikti qazandyqtary. Almaty qalasynyń 2020 jyly tutynǵan jylý qýaty - 6,3 mln Gkal.
Ótken jyly jylýmen jabdyqtaýdyń 16,1 shaqyrym jelisi qaıta jańartylyp, jóndeldi. Nátıjesinde 45,1 myń tutynýshy úzdiksiz jylýmen jáne ystyq sýmen qamtyldy, al jylý jelileriniń tozýy 1,2%-ǵa tómendedi.
Bıyl qalanyń tórt aýdanynda 9 shaqyrymdyq jylý berý jelilerin qaıta qurý josparlanýda. Alataý aýdanynda Raıymbek dańǵylynan Bartoǵoı kóshesine deıingi 3,2 km ýchaskelerdegi jeliler qalpyna keltiriledi. Raıymbek dańǵylynyń soltústiginen Óskemen kóshesi boıymen Belomorskıı,Fadeev kóshelerindegi jeliler jańarady. Almaly aýdanynda Rozybakıev kóshesi boıymen Raıymbek dańǵylynan Tóle bı kóshesine deıingi 2,6 shaqyrym jeli, Bostandyqta – kóshe boıymen 1,8 km. Rozybakıev kóshesi boıymen Hodjanov jáne Baıqadamov kósheleri arasyndaǵy 1,8 shaqyrym jeli konstrýksıalanady.
Medeý aýdanynda – kóshedegi 1,3 km Karmysov kóshesi men Bógenbaı batyr kóshesiniń, Shevsov kóshesiniń arasyndaǵy, Ýálıhanov kóshesi boıymen Mametova jáne Álimjanov kósheleri arasyndaǵy jylý jelileri jóndeledi.
Sondaı-aq, 11 shaqyrym jeli jóndeledi, 1,2 myń ventıl jáne 12 qazandyq qondyrǵy aýystyrylady, 5 sorǵy stansıasy rekonstrýksıalanady.
Ótken jyldyń mamyrynda «Ońtústik aýdandyq qazandyqty» qaıta qurý Bostandyq aýdanyndaǵy jylý energıasynyń tapshylyǵyn jaba bastady. Qaıta qurý qazandyqtyń qýatyn 55 Gkal/saǵatqa deıin arttyrady. Jumysty jyl sońyna deıin aıaqtaý josparlanǵan.
«Premera» qazandyǵyn jóndeý jáne keńeıtý boıynsha jumys júrgiziledi. Bul Naýryzbaı aýdanyndaǵy jylý júktemesiniń qýatyn 100 Gkal/saǵatqa arttyrady. Sonymen qatar Shuǵyla shaǵynaýdanyndaǵy 28 myń páterdi jylýmen qamtamasyz etýge múmkindik beredi.
Sondaı-aq, Túrksib aýdanyndaǵy jylý júktemelerin jabý úshin «Vokzal» qazandyǵyn qaıta qurý josparlanýda. Bul onyń qýatyn 15,12 Gkal/saǵatqa deıin arttyrady jáne Sortırovochnaıa, Belgradskıı, Zemnýhov, Saýranbaev, Chehov kósheleriniń 4 myń turǵynyn jylýmen qamtıtyn bolady.