Apat saldarynan úsh adam zardap shekti.
Almaty polısıa departamentiniń málimetinshe, jol-kólik oqıǵasy búgin tańǵy saǵat 6:50-de Almaty qalasynyń Bostandyq aýdanynda bolǵan, dep habarlaıdy aqshamnews.kz.
"Audi markaly avtokóliktiń júrgizýshisi Áýezov kóshesimen soltústik baǵytta kele jatyp, Jandosov kóshesimen qıylysta baǵdarshamnyń qyzyl tyıym salý sıgnalyna shyǵyp, Jandosov kóshesimen shyǵysqa qaraı kele jatqan Lada markaly avtokólikpen soqtyǵysty. Osy JKO saldarynan Lada avtokóliginiń júrgizýshisi men onyń eki jolaýshysy dene jaraqatyn aldy", - dep habarlady Almaty PD baspasóz qyzmeti.
Apat deregin tergeýge Bostandyq aýdandyq polısıa basqarmasynyń qyzmetkerleri kiristi.