Telegram messendjeriniń negizin qalaýshy Pavel Dýrov Parıjde qamaýǵa alynǵanyn habarlaǵan edik.
Kásipker Fransıada izdeýde júrgenderdiń tiziminde bolǵan. Franýz quqyq qorǵaýshylary: «Qylmyskerler áleýmettik jelini esirtki aınalymy jáne ózge de qylmys túrleriniń jasalýyna negizgi platforma retinde padalanǵan», – deıdi.
Al Dýrov osy Telegram-da zańǵa qaıshy keletin áreketterdi shektemeı, quqyq qorǵaý organdarymen birge jumys isteýden bas tartqany úshin kúdikke ilingen. Mıllıarder 2021 jyly Fransıa azamattyǵyn alǵandyqtan, ózge elge ekstradısıalanýy ekitalaı.
Fransıadaǵy Reseı elshiligi mán-jaıdy anyqtaý úshin qajetti is-sharalardy qabyldaǵan. Al Ilon Mask óziniń H áleýmettik jelisinde bul sóz bostandyǵyn shekteý ekeni týraly jazba qaldyrdy. Oqıǵa naryqtaǵy jaǵdaıǵa da áser etti. Sóıtip, kásipkermen qurylǵan Totkoın krıptovalútasy shamamen 15%-ke quldyraǵan.
Aıta ketken jón, álemde Telegram qoldanýshylarynyń sany 900 mıllıonnan asady. Kóbin aldaǵy kúnderi servıs qalaı jumys isteıdi degen suraq mazalap otyr. Buǵan qatysty kıberqylmys salasyndaǵy táýelsiz sarapshy Evrgenıı Pıtolın bylaı deıdi.
Evgenıı Pıtolın, kıberqaýipsizdik salasyndaǵy táýelsiz sarapshy:
Telegram qazaqstandyqtar úshin aqparat almasýdyń iri alańynyń biri ekeni sózsiz. Platorfmanyń jabylý qaýpi nólge teń desek te bolady. Fransıada ne Eýropada serverler bolsa da, olar tárkilengen kúnniń ózinde ondaǵy aqparat sanaýly saǵatta qalpyna keltiriledi. Medıaımperıa jumysyn jalǵastyra beredi. Sondyqtan dúrbeleńge boı aldyryp, aqparatty shyǵaryp alýǵa asyqpańyzdar. Sosyn alaıaqtarlan saq bolyńyzdar. Óıtkeni olar bul jaǵdaıdy paıdalanyp, «Telegram-dy qalpyna keltirý úshin myna siltemege ótińiz, mynany basyńyz» degen jalǵan aqparat taratýy múmkin. Sondyqtan aldaǵy kúnderi kıberqylmys sany artady dep oılaımyn. Bul rette kórermenderdi mundaı aqparatqa senbeı, saq bolýǵa shaqyramyn.