Balalardyń fızıkalyq damýy úshin jeke deneshynyqtyrý zaly, sondaı-aq oıyn alańdary qarastyrylǵan
Almaty qalasynyń Medeý aýdanynda kúrdeli jóndeýden keıin №114 jáne 116 balabaqshalar ashylady, dep habarlaıdy Almaty-akshamy.kz.
Mektepke deıingi mekemelerdegi oryndardy tómendetý maqsatynda rekonstrýksıalaý jumystary júrgizildi. Jobaǵa 3-shi qabattyń qurylysy engizildi.
Nátıjesinde balabaqshalardyń syıymdylyǵy 145-ten 190 balaǵa deıin ósti, oqytý toptary 8-ge deıin artty. Mektepke deıingi mekemeler materıaldyq-tehnıkalyq bazamen tolyq qamtamasyz etilgen, búldirshinderdiń balabaqshalarda jan- jaqty damýy úshin barlyq jaǵdaı jasalǵan.
Balalardyń fızıkalyq damýy úshin jeke deneshynyqtyrý zaly, sondaı-aq oıyn alańdary qarastyrylǵan. Medısınalyq blok tolyq jabdyqtalǵan, olar – medısınalyq,em qabyldaý, psıhologıa, logoped-defektolog kabınetteri jáne t. b.
Jaıly qalalyq orta basqarmasy balabaqshalardy Bilim basqarmasyna berý týraly qaýly daıyndaýda. Eki balabaqsha da balalardy maýsym aıynan qabyldaı bastaıdy.